Menu

"Llego con fuerces anovaes para intentar ameyorar la vida de los nuesos vecinos y vecines", asegura la futura vocera municipal, Carmen Ardura Parrondo, que sustitúi a Elio Castañu na Corporación

Izquierda Xunida de Muros de Nalón anueva, nel ecuador de la llexislatura, el so grupu municipal, un cambéu enmarcáu na normalidá del so funcionamientu internu y que tien como oxetivu reforzar el trabayu políticu y el siguimientu del pactu de investidura robláu al entamu del mandatu. Asina, l'hasta agora voceru, Elio Castaño, da un pasu tras y el so escañu va ser ocupáu pola que foi número dos na llista electoral, Carmen Ardura Parrondo. La nueva edil y futura vocera municipal, asume esta nueva responsabilidá  coles mires d'intensificar el siguimientu de los compromisos adquiríos pol equipu de gobiernu. “Entiendo'l cansanciu de Elio. Yo llego con fuerces anovaes pa intentar ameyorar la vida de los nuesos vecinos y vecines de Murios”, afirmó, nuna etapa na qu'IX pretende marcar de barganal l'acción del PSOE por que se cumpla íntegramente el pactu de investidura y los alcuerdos alcanzaos al entamu del mandatu.

L'hasta agora conceyal y voceru municipal d'IX, Elio Castaño, fixo balance del trabayu realizáu y reconoció una resultancia desigual. “Empecipiamos la llexislatura con unos alcuerdos col PSOE para faer el Conceyu más democráticu y más participativu y acabamos dempués de pasar l'ecuador de la llexislatura con un sabor agriduz”, esplicó, atribuyendo esta situación a “la política llevada a cabu pol PSOE”, que torgó algamar tolos oxetivos plantegaos. Sicasí, dexó claro que'l trabayu políticu sigue: “Queda llexislatura per delantre y vamos siguir trabayando nesa mesma llínea por que los alcuerdos de tener un Conceyu muncho más participativu consiguir”.

Pela so parte, la coordinadora local de IX Muros, Telly Lorenzo, esplicó qu'esti cambéu supon un altu nel camín "·para siguir alantre", calteniendo xuna acción institucional que surde dende'l mandatu colectivu de la mesma organización: “los nuesos preseos nel Conceyu solo son preseos de la organización al serviciu de la ciudadanía”. Nesti contestu, recordó que “hasta esti momentu tuvo Elio Castañu llevando la responsabilidá nel Conceyu de Muros y pasa a tar Carmen Ardura que diba de númberu dos”, aportunando en que “nun hai nengún gran cambéu", sinón, hai enfatizado, "un compromisu col programa y neso vamos siguir trabayando”. La coordinadora local punxo en valor tanto les meyores llograes como les llimitaciones atopaes: “Tamos de norabona de consiguir dalguna pequena cosa como lo de Murios Enerxía y cola murnia de nun llegar a tolo que nos gustara nesti tiempu”.

Dende la dirección autonómica, la secretaria de Política Municipal de IU Asturies, Llarina González, destacó'l trabayu desenvueltu nuna llexislatura que calificó de complexa y marcada poles dificultaes para desenvolver los alcuerdos alcanzaos col PSOE nesi conceyu. “Dende Izquierda Xunida d'Asturies queremos dar la norabona y estimar tol llabor que fixo'l nuesu compañeru Elío nel Conceyu de Muros”, señaló, recordando que “el sociu mayoritariu pon munches torgues para llevar a cabu'l proyectu y el pactu (de investidura) que se robló de primeres del mandatu”. Sicasí, alvirtió González,“Izquierda Xunida ye xuna organización altamente insistente y Elio tuvo faciendo un trabayu descomanadamente ampliu, que sé qu'agora Carmen, a la que-y damos tou'l nuesu sofitu, va siguir realizando”. Nesi sentíu, aportunó en que'l compromisu ye col programa y cola ciudadanía, independientemente de les persones: “Debemos a los vecinos y les vecines y esa ye'l llabor que vamos faer nel Conceyu”.