Menu

Un gobiernu d'izquierdes debe tar caracterizáu pola austeridá en tou momentu, pero en tiempos de crisis esti principiu ye norma d'obligáu cumplimientu. Izquierda Xunida espera que'l Gobiernu asturianu afronte la crisis económica con valentía y nun se llimite a les pallabres. Areces debe tomar decisiones y la primera ye garantizar l'austeridá nel so Gobiernu. Una austeridá que, pa IX, nun pue quedar nel tarrén de los xestos.

Un gobiernu d'izquierdes debe tar caracterizáu pola austeridá en tou momentu, pero en tiempos de crisis esti principiu ye norma d'obligáu cumplimientu. Izquierda Xunida espera que'l Gobiernu asturianu afronte la crisis económica con valentía y nun se llimite a les pallabres. Areces debe tomar decisiones y la primera ye garantizar l'austeridá nel so Gobiernu. Una austeridá que, pa IX, nun pue quedar nel tarrén de los xestos.

 Jesús Iglesias, Coordinador Xeneral d'IX d'Asturies, albidra que "ye una prioridá política garantizar l'austeridá na alministración autonómica. Pero l'austeridá nun se pue llimitar a lo secundario, adoptando dalguna midida simbólica. Ye necesario ser valiente y tomar decisiones coherentes con un escenariu de crisis.

 Areces tien que redimensionar l'executivu autonómicu. N'esta llexislatura hai más altos cargos que na anterior. El gobiernu tien qu'apretase'l cinturón y nun basta con conxelar los sueldos de los altos cargos, hai que racionalizar la estructura política y reducir el so tamañu. Hai sobrepesu d'altos cargos n'Asturies". El Coordinador Xeneral d'IX d'Asturies afirmó qu'"Areces tien mirar a Castiella La Mancha, onde s'acaba de remodelar el gobiernu reduciendo altos cargos, y siguir el so exemplu. N'Asturies hai que poner fin a la proliferación d'altos cargos que caracteriza el gobiernu en solitariu d'Areces". IX pronpunxo una serie de midíes pa garantizar "el mayor nivel d'austeridá nel Gobiernu d'Asturies". Pa Izquierda Xunida ye necesario alcanzar los mayores niveles d'eficiencia y eficacia na xestión pública y, n'esti ámbitu, señala un oxetivu relevante: poner fin a los sobrecostos.

 Nun ye normal que les grandes obres (El Musel, HUCA, La Llaboral…) seyan furacos negros presupuestarios. El dineru de toos debe ser emplegáu con más control. Sólo col sobrecostu de les obres d'El Musel podríemos pagar otru Hospital Central n'Asturies. El gobiernu autonómicu debegarantizar tamién un mayor control y tresparencia na xestión de los grandes proyectos culturales y audiovisuales del Gobiernu asturianu, asina como poner fin al despilfarru de dineru en propaganda y autobombu per parte del Gobiernu. Nun se pue dilapidar dineru públicu d'esta forma", afirmó Jesús Iglesias