Menu

Izquierda Xunida – Los Verdes d'Uviéu amosó la so esmolición polos sucesos que se tán desendolcando estos díes na avenida de Pando. Les organizaciones polítiques mostraron el so apoyu a les demandes vecinales y emplazaron al Equipu de Gobiernu a dexar de mirar a otru llau énte esti problema. "La principal obligación del Ayuntamientu ye salvaguardar l'interés xeneral, nun ye tolerable que s'asuman o permitan situaciones evidentes de riesgu pol simple fechu d'incrementar los beneficios empresariales", afirmó Alejandro Suárez.

Izquierda Xunida – Los Verdes d'Uviéu amosó la so esmolición polos sucesos que se tán desendolcando estos díes na avenida de Pando. Les organizaciones polítiques mostraron el so apoyu a les demandes vecinales y emplazaron al Equipu de Gobiernu a dexar de mirar a otru llau énte esti problema. "La principal obligación del Ayuntamientu ye salvaguardar l'interés xeneral, nun ye tolerable que s'asuman o permitan situaciones evidentes de riesgu pol simple fechu d'incrementar los beneficios empresariales", afirmó Alejandro Suárez.

IX-Verdes recuerda que'l sosuelu d'Uviéu ta caracterizáu pola presencia importante d'arenes y arcielles perbaxo del nivel freáticu. Munchos edificios d'Uviéu fueron construyéndose sobre l'arena o sobre calices qu'a la vez s'apoyen nos niveles d'arena. Son estables mientres l'arena permaneza nel so sitiu. Por embargu, si se producen escavaciones ensin los medios de seguridá oportunos pue xenerase una corriente d'agua qu'arrastra l'arena, dexando los edificios colos cimientos nel aire. Los inmuebles agriétense o lleguen a cayer.

Toos estos datos tán recoyíos en numberosos informes xeolóxicos fechos nos últimos tiempos y l'Ayuntamientu sábelo, tal y como recordó IX-Verdes. "Nun se pue alegar inorancia dempués de los fechos acaecíos en Ventanielles, nin tres les reiteraes alvertencies de los vecinos de l'avenida de Pando y de l'asociación vecinal del barriu de Pumarín poles grietes apaecíes yá nos sos llares", manifestó Alejandro Suárez, coordinador xeneral d'IX d'Uviéu, quien añadió "faigo un llamáu al Ayuntamientu, que ye'l responsable del urbanismu na ciudá, pa que vele pola integridá de los inmuebles. Que se tomen les midíes pa impedir que l'agotamientu (bombéu del agua) del solar afecte a los colindantes.

Y si nun se pue afondar, que nun  se faiga. En Ventanielles reprofundizóse l'aparcaderu y el resultáu foi demoledor. Ye necesario garantizar penriba de too, la seguridá de los vecinos. Nun podemos poner en peligru a decenes de families pa incrementar los beneficios inmobiliarios."