Menu

Jesús Iglesias, Coordinador Xeneral d'IX d'Asturies, énte l'ofrecimientu al diálogu realizáu pol Secretariu Xeneral de la FSA, Javier Fernández, asegura qu'IX ta abierta al diálogu pero ésti pasa pola rectificación de les polítiques realizaes pol executivu d'Areces nel últimu añu. "Ye necesario desandar el camín percorríu porque nun vemos nel Presidente del executivu asturianu y na so política'l reflexu del emplazamientu realizáu ayeri por Javier Fernández", esplica Jesús Iglesias.

Jesús Iglesias, Coordinador Xeneral d'IX d'Asturies, énte l'ofrecimientu al diálogu realizáu pol Secretariu Xeneral de la FSA, Javier Fernández, asegura qu'IX ta abierta al diálogu pero ésti pasa pola rectificación de les polítiques realizaes pol executivu d'Areces nel últimu añu. "Ye necesario desandar el camín percorríu porque nun vemos nel Presidente del executivu asturianu y na so política'l reflexu del emplazamientu realizáu ayeri por Javier Fernández", esplica Jesús Iglesias.

Creemos que la estabilidá de los gobiernos ta na política que desenrrollen y decisiones como la brutal suba de los precios de la vivienda protexida, la política de privatización de servicios sociales, la macroincineradora de Cogersa, el desenrrollu de la Llei de Dependencia o la marxinación d'IX-BA-Verdes na reforma del Estatutu d'Autonomía nun son cuestiones que definan a un futuru gobiernu d'izquierdes.

Jesús Iglesias considera que'l gobiernu d'Areces nun foi, precisamente, inestable porque tuvo l'apoyu del Partíu Popular nes cuestiones más importantes d'esti últimu añu dende les elecciones. Aliances polítiques nes que'l Presidente de la comunidá autónoma ta especialmente cómodu, esplica'l Coordinador Xeneral d'IX d'Asturies.

Del mesmu mou, amuesa su sorpresa poles esplicaciones que Javier Fernández fizo énte l'asamblea sobre'l porqué de la falta d'alcuerdu ente los dos partíos. Éstes, según el Coordinador Xeneral d'IX, reconforten a la coalición porque demuestren la capacidá d'IX de facer sombra a la imaxe y la hestoria d'un gobiernu socialista.