Menu

Jesús Iglesias, voceru del Grupu Parlamentariu d'IX-BA-Verdes na Xunta Xeneral, considera que la reunión de la Ponencia Estatutaria cellebrada güei “constata, una vegada más, l'alcuerdu ente PSOE y PP p'aprobar un Estatutu de mínimos. Ye un alcuerdu inmovilista qu'impide qu'Asturies tenga un Estatutu modernu, ambiciosu y propiu del sieglu XXI”.

Llamenta la posición inmovilista del PSOE y del PP ya que carecen de l'ambición que necesita'l futuru d'Asturies

Jesús Iglesias, voceru del Grupu Parlamentariu d'IX-BA-Verdes na Xunta Xeneral, considera que la reunión de la Ponencia Estatutaria cellebrada güei “constata, una vegada más, l'alcuerdu ente PSOE y PP p'aprobar un Estatutu de mínimos. Ye un alcuerdu inmovilista qu'impide qu'Asturies tenga un Estatutu modernu, ambiciosu y propiu del sieglu XXI”.

Pa Jesús Iglesias “PSOE y del PP roblaron un alcuerdu qu'impide'l desenrrollu futuru d'Asturies. Nun tienen el menor rubor en refugar que ámbitos tan relevantes pa los asturianos como son la sanidá y la universidá tengan un tratamientu propiu. Quieren que todo siga como ta. Ye un alcuerdu pa defender un testu del sieglu pasáu”.

Pa IX-BA-Verdes nun hai motivos pa que competencies como les referíes a los medios de comunicación social tengan un tratamientu más relevante que ámbitos qu'afeuten diariamente a la vida de los asturianos como ye la sanidá. Tamién ye difícil de comprender que instituciones que tienes que xugar un papel protagonista nel sieglu XXI, como la Universidá, carezan tamién de relevancia nel Estatutu. Son decisiones que determinen prioridaes y apuestes polítiques y qu'espeyen la escasa ilusión que PSOE y PP punxeron na reforma del Estatutu.

Jesús Iglesias tamién destacó que “güei diose una quiebra: el Gobiernu que preside Areces nun fai los deberes. Siguen ensín remitir a la Xunta la documentación que se-yos pidi ó. A la evidente ya inxustificable lentitú con la qu'avanzen los trabayos de la Ponencia Estatutaria agora hai qu'amester la incapacidá del Gobiernu.”

IX-BA-Los Verdes defendió güei qu'Asturies asumiera direutamente la competencia en materia de Policía autonómica y nun comparte la posición del PSOE y PP de recoyer la posibilidá d'asumir, nel futuru, dicha competencia.

Jesús Iglesias emplazó al PSOE y al PP ya que tienen la obligación de desplicar a los asturianos por qué refuguen p'Asturies lo qu'aprueben n'Andalucía, Aragón o Castilla La Mancha. Nosotros queremos qu'Asturies tenga lo mesmo que'l restu, nin más ni menos, aseguró'l voceru d'IX-BA-Verdes.

Nesti sent destacó que “doba convenir que'l Partíu Socialista esclariase la so posición sobre la cláusula d'inversión del Estáu. Nos últimos díes lleímos un y lo contrariu. Rabanal volvió a demostrar la so flexibilidá pa caltener posiciones opuestes con la mesma soltura. Agora diba ser deseable que la FSA mostrara les sos cartes y finara con esta confusión”. El Coordinador d'IX de Asturies añadió: “en cualquier casu, tamién va ser mui difícil de desplicar por qué Asturies pue convertise na única Comunidá Autónoma que nun recueye esti tipu de cláusules nel so Estatutu”. Paez que dalgunos van tener que facer importantes esfuercios pa desplicar por qué toles comunidaes van tener cláusules d'inversión del Estáu nos Estatutos menos Asturies.

El voceru del Grupu Parlamentariu d'IX-BA-Verdes manifestó que “frente al inmovilismu del PSOE y la derecha nosotros vamos a siguir reclamando l'ambición que necesita Asturies, vamos a reivindicar un Estatutu modernu, ambiciosu, capaz de da-yos rempuesta a los retos del sieglu XXI”.