Menu

La diputada d'IX demanda a Bienestar Social qu'arrenuncie de tolos procedimientos de contratación d'infancia que tean ensin axudicación

Noemí Martín, diputada d'IX, va defender na Xunta Xeneral una moción subsiguiente a interpelación pa que'l Gobiernu asturianu tresllade antes de finales del mes de xunu'l proyectu de llei de reforma parcial de la Llei de Servicios Sociales pa incorporar les previsiones de la Directiva 2014/24/UE del Parlamentu Européu y del Conseyu sobre Contratación Pública en tolo que se refier a la regulación d'un réxime específicu pa los servicios a les persones, por que dexe l'afitamientu del modelu mistu de collaboración ente les alministraciones públiques y les entidaes del tercer sector. “Pidimos que de manera urxente modifíquese'l marcu normativu pa tener un paragües llegal qu'evite que l'aplicación, ensin nengún tipu de matiz de les normes actuales, signifique la entrada de la empresa privada con ánimu d'arriquecimientu nos servicios sociales”, afirma la diputada asturiana que yá apelló a la Conseyera de Bienestar Social sobre esti asuntu'l pasáu xueves.  La normativa europea antes citada, sostien la diputada, considera que los servicios sociales tienen unes característiques xenerales que tienen de ser escluyíes d'esti sistema pa consolidar un sistema públicu de xestión ensin ánimu d'arriquecimientu.

La diputada d'IX inclúi na so moción un segundu puntu. Demanda al Gobiernu de la comunidá autónoma qu'arrenuncie a tolos procedimientos de contratación en materia d'infancia que tán ensin axudicación nestos momentos, “sía cual fora la so situación, y a reinicialos”, si fuera necesariu, una vegada aprobada la reforma parcial de la Llei de Servicios Sociales.