Menu

La diputada del grupu parlamentariu d'Izquierda Xunida-Bloque-Los Verdes, Noemí Martín González, denunció gúei l'incumplimientu sistemáticu del actual Gobiernu d'Asturies de la llei promovida y aprobada en Madrid pa garantizar la estabilidá nel emplegu de los trabayadores, qu'incluí tamién a los emplegaos públicos, la nomada Llei Caldera. La diputada formuló esta denuncia tres mantener güei una reunión colos representantes de los Espertos Docentes de Formación Profesional del Principáu d'Asturies que, tres años de prestar esti serviciu, dexaron de ser contrataos pola Administración del Principáu.

La diputada del grupu parlamentariu d'Izquierda Xunida-Bloque-Los Verdes, Noemí Martín González, denunció gúei l'incumplimientu sistemáticu del actual Gobiernu d'Asturies de la llei promovida y aprobada en Madrid pa garantizar la estabilidá nel emplegu de los trabayadores, qu'incluí tamién a los emplegaos públicos, la nomada Llei Caldera. La diputada formuló esta denuncia tres mantener güei una reunión colos representantes de los Espertos Docentes de Formación Profesional del Principáu d'Asturies que, tres años de prestar esti serviciu, dexaron de ser contrataos pola Administración del Principáu.

Los representantes de los citaos trabayadores espusieron la so situación actual que ye en que, en dalgunos casos tres más de vente años de serviciu docente na Formación Profesional, primeru del INEM y dempués nel ámbito de la formación profesional dependiente del Principáu d'Asturies, a día de güei, nun volvieron a ser llamaos pa desarrollar la so actividá docente, polo que na práutica pue considerase que foron despedíos irregularmente de la so actividá profesional.

Los representantes de los trabayadores desplicaron que, tres la entrada en vigor de la Llei 5/2006 sobre estabilidá nel emplegu, la nomada Llei Caldera, y tres cumplir tolos requisitos amosaos na citada norma, esti Gobiernu paralizó la so contratación, colo que los alumnos yá seleccionaos para entamar los cursos de formación ocupacional foron unviaos a les sos cases, ensín saber de xuru si van facer los cursos que solicitaron y a cuales d'éstos tienen derechu.

Martín afirmó que l'oxetivu de los responsables de función pública del Gobiernu ye evitar qu'esti personal garre'l calter de fixu por haber trabayao pal Principáu d'Asturies, en condiciones precaries, más de 24 meses consecutivos, y que pasaran a ser declaraos personal indefiníu del Principáu d'Asturies, tal y como obliga la llei. Noemí Martín declaró que “dase la circunstancia de que al actuar asina, el Gobiernu nun ta namái vulnerando los derechos de los trabayadores degarrar estabilidá nel emplegu, tres más de venti años de serviciu sinón tamién de los alumnos, que nun tan recibiendo una formación adecuada pa la so inserción nel mercáu llaboral.

La diputada d'Izquierda Xunida señaló qu'esti asuntu ye asemeyáu al que tan padeciendo los trabayadores de los Telecentros que veníen prestando serviciu a miles d'asturianes y asturianos nel usu de les nueves tecnoloxíes de la comunicación y que permanecen zarraos. “El Gobiernu d'Asturies declarose en rebeldía cola llexisllación promovía por otru gobiernu del so mesmu color políticu porque nel fondu nun quieren garantizar la estabilidá nel emplegu de los sos propios trabayadores. Eso demuestra una vez más la so escasa sensibilidá social.”.