Menu

Gaspar Llamazares, Coordinador Federal d'IX, y Laura González asistieron a la cena homenaxe a Anita Sirgo, na que participaron más de 400 persones. La cena cellebrose'l sábadu 26 de xineru a les 21 hores nel Hotel Palacio de las Nieves de La Felguera . L'homenaxe tuvo organizáu por IX d'Asturies y n'elli collaboró'l colectivu de muyeres Les Filanderes. Amás de Gaspar Llamazares sistió una amplia representación de la dirección federal d'IX y d'IX d'Asturies y les suo organizaciones llocales, amás de dirixientes del sindicatu Comisiones Obreres.

Gaspar Llamazares, Coordinador Federal d'IX, y Laura González asistieron a la cena homenaxe a Anita Sirgo, na que participaron más de 400 persones. La cena cellebrose'l sábadu 26 de xineru a les 21 hores nel Hotel Palacio de las Nieves de La Felguera . L'homenaxe tuvo organizáu por IX d'Asturies y n'elli collaboró'l colectivu de muyeres Les Filanderes. Amás de Gaspar Llamazares sistió una amplia representación de la dirección federal d'IX y d'IX d'Asturies y les suo organizaciones llocales, amás de dirixientes del sindicatu Comisiones Obreres.

IX fixo estensible l'homenaxe a Anita Sirgo a una xeneración de muyeres que protagonizaron una silenciada llucha escontra la Dictadura y en favor de la llibertá. Llucha que nun foi suficientemente reconocía. IX quier tamién reconocer la so llabor porque gracies a elles güei disfrutamos de la Democracia. Ye un homenaxe nun namái a la trayectoria d'Anita Sirgo sinón a tolo que ella representa nuna vida enllena de llucha, coherencia y trabayu a favor de les llibertaes.

Anita Sirgo ye militante del Partíu Comunista dende la xuventú. Ye fía de guerrilleru y criose nuna familia perseguía. Detuvieron a tola familia cuando ella tenía cinco años y tuvo que dir, cola madre, a la cárcel de Sama. Na clandestinidá Anita fabricaba octavilles na so casa y tuvo un papel protagonista nes fuelgues mineres del 62, organizando a les muyeres del Partíu y repartiendo octavilles y sofitamdo la llabor de los compañeros na mina. Xunto a un grupu de muyeres protagonizó un encierru de 8 díes na catedral pa pidir “llibertá pa los presos políticos y deportaos”. Por ello tuvo na cárcel otros cuatro meses más. Esta ye namái una parte d'una biografía mui grande que continúa güei cola so militancia política y la defensa de los valores que ella cree xustos.