Menu

Emplegu estable y con derechos. Que naide cobre por debaxxo de los 1.000 euros. Llucha escontra la precariedá y la discriminación salarial. Cumplimientu de la Llei de Prevención de Riesgos. Daremos puxu a un Plan de Política Industrial y Desenrrollu Tecnolóxicu. Apostamos pola economía social.

Emplegu estable y con derechos. Que naide cobre por debaxxo de los 1.000 euros. Llucha escontra la precariedá y la discriminación salarial. Cumplimientu de la Llei de Prevención de Riesgos. Daremos puxu a un Plan de Política Industrial y Desenrrollu Tecnolóxicu. Apostamos pola economía social.

Garantizaremos por llei l'accesu a una vivienda digna. Nueves ayudes pal pagu d'hipoteques a los xóvenes y les families con menos recursos pa compensar la subida de los tipos d'interés y evitar que los bancos se queden coles sos cases.

Daremos puxu a una Rede Pública d'escueles de 0 a 3 años garantizando la universalización d'esta estaya educativa. Sofitaremos un sistema educativu públicu y de calidá con suficientes recursos humanos y materiales y que atienda a les necesidaes del alumnáu y les families.

Incorporaremos la salú dental integral a la sanidá pública pa tola ciudadanía. Defenderemos un sistema sanitariu que-y dea prioridá a la prevención, el fomentu de los vezos de vida saludables, la lactancia materna, la práutica del deporte y la llucha escontra la contaminación. Garantizaremos una rede sanitaria pública de calidá y dotada adecuadamente.

Pensiones dignes. Incrementar les pensiones contributives mínimes hasta los 900 euros mensuales y les non contributives y de orfandá a los 500 euros. Consolidación de los servicios sociales como'l cuartu pilar del Estáu de Bientar. Garantía, por llei, de la renta mínima. Desarrollu integral de la Llei de Dependencia. Incrementu de los recursos pa lluchar escontra la esclusión social.

Que paguen más impuestos quienes más tienen. Una política fiscal más progresiva pa financiar los servicios públicos de calidá y un ambiciosu sistema de de protección social. Un sistema de fiscalidá ecolóxica.

Les asturianes y asturianos tendrán los mesmos derechos políticos, económicos, sociales, culturales y llingüísticos que'l restu de ciudadanes y ciudadanos del Estáu.

Eliminaremos el portalgu del Huerna. Apostaremos por planes de movilidá sostenible. Impulsaremos la llegada de l'alta velocidá hasta Xixón pa que Asturies s'ameste al procesu de modernización del tresporte ferroviariu. Apuesta pola ampliación de les Cercaníes ya'l papel de FEVE n'Asturies.
Desarrollaremos un modelu enerxéticu que fomente l'aforru, la eficiencia y les enerxíes renovables pa baxar la contaminación y frenar el cambiu climáticu. Evitaremos los nomados “corredores enerxéticos” que, como Lada-Velilla, tienen gran impactu ambiental. Cierre progresivu de les centrales nucleares n'España y sustitución de les térmiques más contaminantes.

Una xestión del agua n'Asturies que ponga l'acentu nel aforru, la meyora del estáu de los ríos y l'usu sostenible de los recursos hídricos. Non al embalse de Caliao. Dar puxu económicu pa les polítiques de reducción, reutilización y reciclaxe de los residuos. Non a la incineración indiscriminada de residuos.

Meyora de la calidá de vida de les persones que viven nel mediu rural. Garantía d'accesu a los servicios públicos. Sofitu de l'agricultura, ganadería y pesca. Dar puxu a la producción ecolóxica.

Incrementaremos los recursos ampobinaos a los Ayuntamientos pa garantizar meyores servicios públicos y los medios necesarios p'atender los problemes de les ciudadanes y ciudadanos.

Impulsaremos una política europea p'ampliar los derechos sociales y de ciudadanía, y la cohesión ente los sos territorios. Una Europa solidaria y comprometía con tolos pueblos del mundiu, capaz de denunciar la opresión de pueblos como'l saharaui ya'l palestín.

Promoveremos un nuevu orden internacional basáu na paz, la cooperación, la solidaridá, la igualdá, la independencia, el desarrollu de tolos pueblos y la conservación de la biodiversidá ya'l mediu ambiente del planeta. Daremos puxu a l'aprobación d'un Códigu Éticu d'actuación de les empreses españoles pa impedir que faigan n'otros países lo que nun se-yos permite n'España.

Desarrollu efectivu de la Llei de Memoria Hestórica. Creación del Institutu pa la Memoria Hestórica. Dar puxu a los proyectos de recuperación de los desapaecíos.