Menu

El presidente del comité asegura que l'emplegu total podría llegar a les 500 persones

El coordinador xeneral d'IX, Manuel González Orviz, reclamó güei en Zarréu que'l Principáu resuelva d'una vegada por toes la puesta en funcionamientu del cielu abiertu.

Pal máximu responsable de la formación l'anunciu la selmana pasada d'un plan especial pa la reactivación del sur occidente asturianu nun puede prescindir d'esti sector, clave en materia d'empléu directu ya indirectu pa la zona.

“Ye imprescindible que'l Principáu resuelva la puesta en funcionamientu de la unidá a cielu abiertu de Zarréu. Nun se puede nestos momentos falar d'un plan de desenvolvimientu pal sur occidente y tener paralizáu'l funcionamientu d'esta actividá, porque'l plan de desenvolvimientu del sur occidente pasa pol caltenimientu de les actividaes extractivas ya industriales qu'hai na zona y el so desenvolvimientu d'una forma sostenible. Por tantu creo que non cabo otra posibilidá que'l Principáu resuelva d'una vegada la puesta en funcionamientu del cielu abiertu”.

Pela so parte, el presidente del comité d'Ástur Lleonesa, Luis María Fernández, denunció'l bloquéu del cielu abiertu, la obstrucción de les ayudes a la empresa y la falta de sofitu a la quema del carbón. “Atopamos con un problema prioritario y fundamental pa nós que ye'l bloquéu al cielu abiertu y entendemos que muncha culpa d'ello ye del Principáu”

Según Fernández, esiste la posibilidá real del caltenimientu del emplegu y, inclusive, d'un aumentu importante del mesmu. “Taríamos falando d'una plantiya d'en redol a 500 trabayadores que, según ta'l país pos entendemos que nun se podría dexar escapar”.