Menu

La iniciativa d'IX foi sofitada por tolos grupos sacante Foro Asturies, que s'abstuvo

La Xunta Xeneral del Principáu encamienta al Conseyu de Gobiernu a destinar una parte de les vacantes pures de l'alministración del Principáu a la dotación del personal necesario pa l'apertura de les residencies públiques del ERA que tán ensin emprestar el so serviciu. Esti ye'l testu de la Proposición Non de Llei d'IX aprobada esta mañana colos votos del grupu proponente, UPYD, PP y PSOE y l'astención de Foro Asturies.

Noemí Martín, quien reconoció la dificultá que planteguen les restricciones impuestes polos Presupuestos Xenerales del Estáu pa poner en marcha convocatories públiques d'emplegu, resaltó la prioridá”que tien de ser l'apertura de recursos construyíos y forníos pa mayores y dependencia n'Asturies. La diputada d'IX alvirtió qu'hai 1.468 persones en llista d'espera pa les residencies  ente qu'esisten equipamientos ensin abrir o otros funcionando a mediu rendimientu pola falta de personal. “Nun podemos esixilr que les abran ensin más, pero sí que faigan un esfuerzu pa buscar fórmules pa dotar a eses residencies de personal público porque esiste una demanda creciente”, dixo Martín na so esposición. La diputada fixo referencia a que los presupuestos p'Asturies d'anguaño plantegen como oxetivos ampliar les places del centru polivalente de recursos del Nodo, n'Avilés, y abrir les residencies de Castrillón, Riañu, Llastres y Cuideiru.

La diputada d'IX aseguró que según los datos apurríos por mesmu gobiernu socialista les vacantes pures, yá presupuestaes pol Principáu, seríen alredor de 300 places, de les que dixo, una parte, ente 60 y 70, podríen ser utilizaes p'abrir les residencies de Castrillón y completar les places vacantes d'otres residencies. Costaría alredor de 1,5 millones d'euros que yá tán presupuestaos, esplicó Noemí Martín, na mesma partida d'onde salió l'abonu de la parte de la paga extra de 2012 o'l financiamientu pa la creación d'una nueva dirección de xestión del YERA. Tamién evitaríen, afirmó n'alusión al Gobiernu, un  conflictu solidificado na ERA con al respective de l'amortización de places de residencies que tán funcionando. De la mesma, recordó que los recursos públicos son xeneradores d'emplegu.