Menu

La presidencia colexada d'Izquierda Xunida, por una amplísima mayoría, -22 votos a favor, dengunu en contra y cuatro abstenciones- respaldó la propuesta fecha pola Comisión Executiva de la coalición pa que Laura González, ex-conseyera de Vivienda y Bientar Social, encabece les llistes al Congresu de los Diputados n'Asturies en les ellecciones que se van cellebrar el prósimu mes de marzu.

La presidencia colexada d'Izquierda Xunida, por una amplísima mayoría, -22 votos a favor, dengunu en contra y cuatro abstenciones- respaldó la propuesta fecha pola Comisión Executiva de la coalición pa que Laura González, ex-conseyera de Vivienda y Bientar Social, encabece les llistes al Congresu de los Diputados n'Asturies en les ellecciones que se van cellebrar el prósimu mes de marzu.

Laura González desenrrolló a lo llargo de la so vida numeroses responsabilidaes polítiques e institucionales, primero en nombre del PC y posteriormente con Izquierda Xunida. La presidencia d'IU considera que Laura González ye una opción segura pa recuperar l'escañu en Madrid. Los miembros de la presidencia destacaron la importante xestión fecha pola candidata al frente de la Conseyería de Vivienda y Bientar Social. Nesti periodu ella demostró qu'hai otra forma de facer política, pegada a la xente, austera y sobre toles coses, cumpliendo los sos compromisos, demostrado nos altos niveles nun namás de conocimientu, sino de valoración positiva de la so xestión. Pa IX, Laura González ye la meyor diputada qu'Asturies pue tener en Madrid.

Tres la Presidencia, el martes de la prósima selmana, día 16, la candidatura de Laura González va ser tratada pol Conseyu Políticu, másimu muérganu de la dirección de la coalición, que tien potestá p'aprobar definitivamente la cabeza de llista cola qu'IX va concurrir a les prósimes xenerales.

Mañana miércoles, a les 11 hores, na sede d'IX d'Asturies, Jesús Iglesias, Coordinador Xeneral d'IX d'Asturies, y Ángel González, Secretariu d'Organización d'IX d'Asturies, van ufrir una rueda de prensa pa informar de la asamblea que va cellebrar la coalición pa relanzar el proyectu políticu d'IX d'Asturies, aspectu ésti últimu que tamién abordó na presidencia.