Menu

Valledor sostién qu'esta actuación demuestra que la ufierta de diálogu d'Areces está vacía de conteníu

El PSOE acaba d'escluir de los muérganos de gobiernu de la empresa Cogersa, por primer vegada na historia, a los representantes de los ayuntamientos gobernaos o cogobernaos por IU-BA-Verdes. Asin lo denunciaron el diputáu d'IU-BA-Verdes, Francisco Javier García Valledor, y Ramón Argüelles, alcalde de Llena , minutos dempués de que quedase executada esta midía que dexa'l Consorciu pa la Xestión de los Residuos Sólidos n'Asturies en manes socialistes, cola única escepción del Ayuntamientu d'Uviéu, gobernáu pol Partíu Popular.

Valledor sostién qu'esta actuación demuestra que la ufierta de diálogu d'Areces está vacía de conteníu

El PSOE acaba d'escluir de los muérganos de gobiernu de la empresa Cogersa, por primer vegada na historia, a los representantes de los ayuntamientos gobernaos o cogobernaos por IU-BA-Verdes. Asin lo denunciaron el diputáu d'IU-BA-Verdes, Francisco Javier García Valledor, y Ramón Argüelles, alcalde de Llena , minutos dempués de que quedase executada esta midía que dexa'l Consorciu pa la Xestión de los Residuos Sólidos n'Asturies en manes socialistes, cola única escepción del Ayuntamientu d'Uviéu, gobernáu pol Partíu Popular.

Francisco Javier García Valledor comparó esta situación cola de la película, “Virtudes públiques y vicios privaos” porque'l presidente Areces fai públicamente una ufierta d'alderique y negociación que se convierte nes acciones concretes na negación del alderique y na esclusión de los ayuntamientos gobernaos por IU-BA-Verdes. “Esa oferta pública de diálogu conviértese nuna cuchillada pola espalda en priváu”, afirmó García Valledor. Detrás d'esta acción escuéndese, a xuiciu de Valledor, la definición del plan de futuru de Cogersa y un de los grandes debates públicos de l'anterior llexisllatura: la construcción, o non, d'una macroincineradora nos terrenos del Consorciu pa la Xestión de los Residuos Sólidos n'Asturies. Esti fornu incinerador, que defiende'l PSOE, fue contestáu dende distintos sectores sociales d'Asturies y políticamente dende IU-BA-Verdes, recordó'l diputáu de la coalición.

Se trata, según García Valledor, de destruir ámbitos d'alderique que permitan el cumplimientu de la resolución de la Xunta Xeneral del Principáu na que se plantegaba qu'enantes de construir una incineradora de residuos sólidos urbanos debería desenrrollase, nel senu de Cogersa, toles alternatives posibles a la incineración, basaes na reutilización, recoyía selectiva, selección y reciclaxe de los residuos. “Nel fondu la esclusión tien la llectura d'avanzar nel modelu contrariu a la Xunta Xeneral, tener les manos más llibres y l'accesu a la información muncho más restrinxíu pa permitir que Cogersa aborde lo que nos consideramos una actuación que diba suponer un pasu atrás mui importante nel tratamientu de los residuos”, subrayó.

Esto demuestra, a xuiciu, de Valledor que la propuesta de diálogu del presidente Areces está vacía de conteníu.

Ramón Argüelles recordó la composición del Conseyu d'Alministración de Cogersa: un representante del gobiernu d'Asturies, un de cada una de les ciudaes más importantes d'Asturies y tres representantes del restu de municipios asturianos. Dende'l ámbitu municipal, dixo Argüelles, l'ausencia de representación d'IU-BA-Verdes supón un seriu contratiempu ya que si daqué caracterizó a Cogersa durante los sos años d'esistencia fuí la so estabilidá institucional y empresarial. Ésta estabilidá vese agora amenazada cuando tien delantre sí “un de los grandes retos”, la revisión de les polítiques de residuos urbanos. Argüelles calificó de “pasu atrás” esta decisión y emplazó a que la situación repunte pa que Cogersa vuelva a ser un visu de la representatividá de los municipios asturianos, donde IU-BA-Verdes gobierna nun 10% de la población.