La diputada d'IX, Marta Pulgar, denuncia que los perceptores del salariu social tienen de pagar una comisión a los bancos pa poder cobrar una prestación económica empobinada, precisamente, a persones qu'escarecen de recursos abondos pa poder cubrir les sos necesidaes básiques.
Numberoses persones que perciben esta prestación punxéronse en contactu col grupu parlamentariu d'IX pa denunciar que los bancos tán cobrándo-yos comisiones d'ente 9 y 18 euros trimestrales a cada titular del salariu, cuando debe considerase como nómina o prestación y el so ingresu nes cuentes tendría de ser gratuitu pal perceptor.
La diputada d'IX rexistró dos preguntes a la Conseyería de Derechos y Servicios Sociales pa saber por qué se ta produciendo esta amenorga de recursos pa los perceptores del salariu social y si depende d'una cuestión que pueda ser solucionada de manera directa pola mesma conseyería o ye un asuntu que se deba a les entidaes bancaries.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
