Menu

Izquierda Xunida, al traviés del so grupu parlamentariu d'IX, ICV-EUiA, CHA, busca nel Plenu de güei col que conclúi l'alderique de los Presupuestos Xenerales del Estáu (PGE) pa 2016 nel Congresu dexar ensin dotación presupuestaria al proyectu pa la construcción del almacén nuclear de Villar de Cañes, conocíu técnicamente como Almacenamientu Temporal Centralizáu (ATC). IX rexistró tres enmiendes parciales pa minorar nun total de 412 millones d'euros el dineru que dedica a esta partida, que va refugar el PP.

Estos trés enmiendes tán incorporaes al Anexu d'Inversiones reales de la entidá Empresa Nacional de Borrafes Radioactives, S.A. (ENRESA), cola denominación Almacenamientu Temporal Centralizáu Villar de Cañes. IX motivales esplicando que “l'almacén nuclear xenera un gran refugu social, que pon en peligru l'agricultura, ganadería y proyectos de turismu rural de tola zona, amás de los riesgos añedíos pa la seguridá en toles cuenques poles que trescurre'l tresporte ferroviariu y per carretera d'estes borrafes altamente tóxiques”.

“Envaloramos -considera esta formación- qu'esti dineru podría dedicase a otres actividaes dada la esmolecedora situación social de Castiella-La Mancha, que ye una de les rexones nes que más creció'l paru, la desigualdá social y el riesgu de probeza nel últimu añu, con una tasa de cobertoria per desemplegu diez puntos per debaxo de la media nacional, y una tasa de paru xuvenil del 60%”.