Denuncia que tán castigando y despidiendo a los investigadores que tienen proyectos europeos y más ingresos pal institutu
El grupu parlamentariu d'IX va preguntar nel plenu d'esti xueves sobre la situación del ITMA (Institutu Tecnolóxicu de Materiales) ante la que Gaspar Llamazares, voceru parlamentariu d'IX, amosó la so esmolición. Llamazares alvirtió que nel Institutu ta despidiéndose y castigando a aquel ámbitu d'investigación más dinámicu, a aquellos que tienen proyectos d'investigación europeos y los que signifiquen ingresos pa esti institutu. “Estos investigadores son los que tán siendo discriminaos y despidíos y, poro, nun hai un criteriu investigador nin económico, sinón una mala xestión”, alvirtió'l diputáu d'IX. Por estos motivos IX va preguntar al Gobiernu sobre esta fundación y sobre la investigación aplicada n'Asturies.
De la mesma, na mesma sesión plenaria, va preguntar al Gobiernu asturianu pola siniestralidá llaboral n'Asturies, una comunidá autónoma que carez más d'una muerte al mes de trabayadores, un fechu qu'IX considera bien grave, máxime teniendo en cuenta l'amenorgamientu de l'actividá, y que demuestra que se tán relaxando los controles tantu per parte de la empresa como de les alministraciones. “Queremos que'l Gobiernu déanos esplicaciones y adopte midíes pa menguar la siniestralidá n'Asturies, qu'en más negativa que la del restu d'España, que ye, de la mesma una de les peores d'Europa”, esplicó Llamazares ante los medios de comunicación.
IX tamién va preguntar, de nuevu, al Gobiernu asturianu pola situación de los trabayadores del Hotel Reconquista y sobre la evaluación del conveniu coles entidaes bancaries suscritos nel so día p'atender les situaciones de necesidá de vivienda.
Na sesión del vienres, la diputada Concha Masa va defender una moción subsiguiente sobre'l Centru de Miraflores, en Noreña.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies