Menu

El Conseyu Políticu d'Izquierda Xunida d'Asturies aprobó esta tarde, por una amplísima mayoría, l'Analís de los resultaos electorales y la estratexa política de la coalición, primer puntu del orde del día d'este conseyu. L'analís realizáu supón reconocer la perda de dalgo más de diez mil votos y la baxada d'un 1,3%, asitiándonos nel 9,7%, con un descensu na participación electoral del 2,2% (el 61,6%, lo que mos da la mesma representación que teníemos na llexislatura pasada. Pola so parte, el PSOE, a pesar d'aumentar cuasi dos mil votos y un 1,5%, pierde un diputáu y el PP, incrementando'l so apoyu en más de seis mil votos y un 2,2%, gana un escañu y s'asitia en 20.

El Conseyu Políticu d'Izquierda Xunida d'Asturies aprobó esta tarde, por una amplísima mayoría, l'Analís de los resultaos electorales y la estratexa política de la coalición, primer puntu del orde del día d'este conseyu. L'analís realizáu supón reconocer la perda de dalgo más de diez mil votos y la baxada d'un 1,3%, asitiándonos nel 9,7%, con un descensu na participación electoral del 2,2% (el 61,6%, lo que mos da la mesma representación que teníemos na llexislatura pasada. Pola so parte, el PSOE, a pesar d'aumentar cuasi dos mil votos y un 1,5%, pierde un diputáu y el PP, incrementando'l so apoyu en más de seis mil votos y un 2,2%, gana un escañu y s'asitia en 20.

Nos conceyos baxamos más de quince mil votos y un 2,3% (asitiándonos nel 10,27% y obtenemos 98 conceyales, seis menos que va cuatro años, anque podemos obtener seis alcaldíes ( el doble que nel mandatu anterior). En conxuntu, los resultaos de los conceyos son desiguales con aspectos poco satisfactorios como'l descensu n'Avilés, Xixón, Mieres, Llangréu, Llaviana, Siero, la perda de l'alcaldía de Grau o la desapaición n'Uviéu; y mui positivos como'l mantenimientu de les alcaldíes de Degaña y Casu, la consecución d'otres nueves como les d'Illas, L.lena y Santaya d'Ozcos, la recuparación de la de Castrillón y les xubes d'Ayer, Cangas del Narcea, Gozón, Ribeseya, Riosa o Parres, asina como amuesa l'apaición n'El Franco y Sariegu.

Los resultaos determinen que siguimos siendo claves na configuración del gobiernu d'Asturies, de la mayoría de los conceyos más importantes d'Asturies y que duplicamos el númberu de les nueses alcaldíes. Anque nun algamáremos l'oxetivu d'incrementar los votos, llogramos resistir en condiciones mui difíciles y de xuru qu'a ellos ayudónos el tener responsabilidaes de gobiernu nel ámbitu de los conceyos y de la comunidá autónoma.

Per otra parte, llogramos representación en dalgunes zones blanques de les ales d'Asturies y ello fai que güei'l nuesu proyectu  tenga mayor representación territorial. D'otramiente, fuimos clave a la hora de garantizar la victoria de la esquierda n'Asturies y a la de contribuyir a reducir el poder llocal del PP.

El Conseyu Políticu d'IX d'Asturies respalda l'apertura de les negociaciones polítiques con la FSA pa la busca d'una política pa los próximos cuatro años que suponga una apuesta pol bientar social y ambiental n'Asturies y que, nel casu de que nun fructifique un alcuerdu, la coalición va utilizar la fuercia de los sos cuatro diputaos pa consiguir el mesmu resultáu.

El segundu puntu abordáu esta tarde nel Conseyu Políticu refiérese a la situación de los censos electorales d'IX d'Asturies: Los miembros del Conseyu aprobaron, por unanimidá, l'actualización de los censos d'afiliaos, dempués de que'l pasáu mes de marzu se llegalizare un nuevu partíu políticu n'Asturies al que se sumaron en llistes electorales, collaborando na so actividá política, utilizando medios materiales d'IX...- dellos afialiaos/aes d'IX d'Asturies. Nesti sen el Conseyu considera que dexaron de formar parte d'IX d'Asturies les persones que collaboraron nesti nuevu partiíu, y requier a les organizaciones llocales pa que nel plazu d'un mes procedan a actualizar los censos manteniendo nel mesmu les persones que siguen formando parte d'IX d'Asturies, too ello n'orde a una clarificación necesaria y urxente.

El Conseyu tamién aprobó prorrogar por 90 días la totalidá de los alcuerdos adoptaos por el Conseyu Políticu d'Izquierda Xunida'l día 24 de marzu en rellación cola organización llocal d'Uviéu, subsistiendo por tanto les suspensiones acordaes y l'establecimientu de la Comisión Xestora, asina como les xeres encomendaes a la mesma.

El Conseyu Políticu d'IX d'Asturies considera, que pese a que la Comisión Xestora, fuere avalada por instancies xudiciales, les declaraciones públiques per parte de significaos órganos de dirección suspendíos nun cesaron, sinón que polo contrario s'incrementaron y obuvieron mayor difusión como consecuencia de la manifiesta voluntá d'esta minoría d'autoescluise d'IX al traviés de la promoción d'un partíu políticu (Asamblea de Ciudadanos pola Izquierda) y la so concurrencia a les pasaes
elecciones en diferentes ámbitos municipales.