Servicios Sociales estudia los pasos pa rescindir el contratu d'una de les empreses que les xestiona
La Conseyera de Derechos y Servicios Sociales, Pilar Varela, reconoció a entrugues de la diputada d'IX Marta Pulgar que los servicios xurídicos tán valorando si pueden dar dalgún pasu más pa rescindir el contratu d'una de les empreses qu'anguaño xestiona una de les viviendes tutelaes qu'hasta va un añu xestionaben entidaes del tercer sector, concretamente una de Xixón que pasó de ser xestionada por Siloé a Samu. Según la conseyera esisten “delles dificultaes” nel cumplimientu del pliegu de condiciones que tien de cumplir la empresa, qu'ella considera entidá ensin ánimu d'arriquecimientu, fundación, anque según IX ye una fundación d'una gran empresa constructora.
La diputada d'IX alvirtió a la conseyería qu'estes situaciones son frutu d'un cambéu de normativa na que se dexó abierta la entrada de la empresa a los servicios que veníen emprestando entidaes sociales, mercantilizando los servicios sociales públicos, de forma bien paecida a la qu'establecieron comunidaes como Madrid, Galicia o Valencia.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
