Menu

IX va llevala al plenu del próximu vienres.

Esti testu, consensuáu con PSOE y Ciudadanos, ye considerada pol  voceru d'IX una llei pionera, que va ameyorar la calidá de la democracia y de la representación de los ciudadanos. Gaspar Llamazares presenta la llei con una actitú abierta p'ameyorar la llei na so tramitación pa que cunte non solo cola mayoría cualificada esixente, sinón col mayor consensu.

Llamazares cree que'l testu asturianu ye una reforma pionera nel ámbitu del estáu que aúna dos cuestiones: per un sitiu una meyora de la proporcionalidad del sistema, “por que cada vez una persona avérase más a un votu y nun ye asina nel conxuntu del sistema electoral”; y por otru, amonta la participación de los ciudadanos de forma bien importante, la participación de los militantes na elección de les candidatures por aciu primaries y la participación na votación, porque pueden desbloquiar les llistes.  “Asina tamién supon una medría de la responsabilidá y de la dación de cuentes de los candidatos, nesti casu de los cargos públicos”, esplica'l diputáu d'IX.

El voceru d'IX sostien  qu'esta llei presentase con una actitú abierta y anque  yá foi bien axustada na llexislatura pasada y nesta han modificase aspeutos  pa incorporar otros grupos, qu'espero que se sientan meyor representaos, IX  ta dispuesta a axustar entá más pa que se remueva cualquier torga y pa que sía una llei que nun tenga solamente la mayoría cualificada esixente sinón el mayor consensu.