Izquierda Xunida d’Asturies amosó, otra vuelta, el so rechazu al banzáu de Caliao. L’agua ye un bien estratéxico pero la construcción d’un nuevu banzáu enmárcase nuna política d’infraestructures vieya y atrasada, que nesti casu, amás choca col Plan Hidrolóxicu del gobiernu del estáu. Asina lo manifestó Jesús Iglesias, candidatu a la presidencia d’Asturies y Coordinador Xeneral d’Izquierda Xunida d’Asturies, na rueda de prensa que compartió con Gaspar Llamazares, Coordinador Federal d’IX y Elías Rodríguez, alcalde de Casu y candidatu a l’alcaldía.
" />
Gaspar Llamazares sostién que’l banzáu va terminar col corazón del Parque Natural
Izquierda Xunida d’Asturies amosó, otra vuelta, el so rechazu al banzáu de Caliao. L’agua ye un bien estratéxico pero la construcción d’un nuevu banzáu enmárcase nuna política d’infraestructures vieya y atrasada, que nesti casu, amás choca col Plan Hidrolóxicu del gobiernu del estáu. Asina lo manifestó Jesús Iglesias, candidatu a la presidencia d’Asturies y Coordinador Xeneral d’Izquierda Xunida d’Asturies, na rueda de prensa que compartió con Gaspar Llamazares, Coordinador Federal d’IX y Elías Rodríguez, alcalde de Casu y candidatu a l’alcaldía.
Gaspar Llamazares sostién que’l banzáu va terminar col corazón del Parque Natural
Izquierda Xunida d’Asturies amosó, otra vuelta, el so rechazu al banzáu de Caliao. L’agua ye un bien estratéxico pero la construcción d’un nuevu banzáu enmárcase nuna política d’infraestructures vieya y atrasada, que nesti casu, amás choca col Plan Hidrolóxicu del gobiernu del estáu. Asina lo manifestó Jesús Iglesias, candidatu a la presidencia d’Asturies y Coordinador Xeneral d’Izquierda Xunida d’Asturies, na rueda de prensa que compartió con Gaspar Llamazares, Coordinador Federal d’IX y Elías Rodríguez, alcalde de Casu y candidatu a l’alcaldía.
Izquierda Xunida d’Asturies quier una xestión pública del agua dende la so captación hasta’l ciclu final, polos mecanismos de reutilización y la inversión na meyora de la rede y nel amenorgamientu de les perdes que nesti momentu algama’l 30%. Tamién, ye necesario que la industria vaya pensando na utilización del agua de menor calidá pa la so actividá industrial. “Nun se pue dicir que se necesita más agua pa desarrollos urbanísticos inaceptables y especulativos, pa construyir les 60.000 viviendes que se preven nes revisiones de los planes xenerales d’ordenación urbana”, aseguró Jesús Iglesias, Coordinador Xeneral d’Izquierda Xunida d’Asturies.
Gaspar Llamazares, Coordinador Federal d’Izquierda Xunida, aseguró que “cada día el Ministeriu de Medioambiente ve con peores güeyos el banzáu de Caliao” y apuesta por una meyor xestión de la demanda esistente y non por facela medrar. “Ye inaceptable atacar el corazón d’un parque natural con una infraestructura que va promover usos urbanísticos nuna comunidá que presume de ser un Paraísu Natural”, dixo Gaspar Llamazares na rueda de prensa que se fizo nel área recreativa de Caliao.
El Coordinador Federal d’ IX tamién amosó’l so sofitu al conxuntu de conceyos rurales gobernaos por IX, qu’apostaron pola meyora de les infraestructures, política de vivienda y les polítiques sociales pa evitar el despoblamientu rural.
Elías Rodríguez, alcalde de Casu y candidatu a la reeleición, fizo un repasu de los proyeutos que yá son realidaes: 16 viviendes sociales nel Prau de Llanu, el recintu ferial onde se va cellebrar el Certame de la Vaca Casina, l’albergue, que va permitir agospiar a la mocedá que participa nos campos de trabayu que se vienen faciendo nos últimos branos nel conceyu, asina como un nuevu edificiu que va acoyer los servicios sociales, un centru de día que va tener dos apartamentos empobinaos a los emigrantes que yá nun tengan familiares nel conceyu, como costaba nel programa de 2003.
Rodríguez tamién recordó “el gran impulsu” de los servicios elementales básicos pa la población de Casu, como son l’agua, el saneamientu y les obres integrales feches en Belerda, Bezanes, La Foz y otros pueblos; la promoción turística del Camín Real y la colocación de la señalización, y la proteición medioambiental, duplicando la petición d’ayudes y el montu económicu pa la meyora de los caminos rurales y los pueblos del parque. “Tenemos un balance bien positivu y esperamos que los vecinos d’esti conceyu tomen nota de les nuestres actuaciones”, desplicó Elías Rodríguez actual alcalde de Casu.
