Menu

"Somos una fuerza de gobiernu y la nuesa presencia nel gobiernu municipal foi garantía de más izquierda, dende la perspectiva de trabayar pola igualdá, la cohesión y equilibriu territorial que son elementos que guiaron la nuesa actuación política nos últimos años".

"Somos una fuerza de gobiernu y la nuesa presencia nel gobiernu municipal foi garantía de más izquierda, dende la perspectiva de trabayar pola igualdá, la cohesión y equilibriu territorial que son elementos que guiaron la nuesa actuación política nos últimos años". Asina definía Luís Álvarez Payo, cabeza de llista a l'alcaldía d'IX-BA-Los Verdes en Mieres les estratexes que guiaron el so trabayu municipal, durante la presentación de la llista cola que va dir a les ellecciones del prósimu 27 de mayu

Nestos últimos años, según Payo, foi posible coles aiciones d'IX abordar importantes actuaciones pa garantizar una mayor calidá de vida, meyorar los servicios públicos, más equipamientos deportivos y facer una xestión más averada y tresparente, asina como más participativa. Esta última ye tamién una seña d'identidá d'IX-BA-Los Verdes, que van conxuntamente a les elecciones. Del mesmu mou, aseguró Payo, qu'IX de Mieres foi una garantía pa resolver los problemes reales de la xente, yá que'l so trabayu tamién contribuyó a meyorar la vivienda, l'emplegu y la reactiviación ecocómica nel conceyu, con delles iniciatives.

El programa electoral va apostar por una llinia d'actuaciones que configuren un modelu de conceyu del sieglu XXI p'algamar la tresformación que Mieres necesita. Esta propuesta ta empobinada a intervenir nel territoriu y nos equipmaientos y tamién nel relevu xeneracional, que yá incorpora la llista. El cambiu xeneracional va dar más vida al conceyu, pero la candidatura nun obvia la esperiencia municipal, la esperiencia social y la sindical o vecinal pa dar respuesta a los problemes reales de les persones

Jesús Iglesias, Coordinador Xeneral d'IX d'Asturies, amuesó la so satisfacción pola llista fecha en Mieres que "merez ganar y ta en condiciones de ganar l'alcaldía pa la izquierda tresformadora". Iglesias que la candidatura de Mieres ye un "fiel reflexu" de Mieres y de les Cuenques Mineres y de les sos necesidaes. Al xuiciu d'Iglesias, Mieres entamó na actual llexislatura'l so gran procesu de cambiu y pa que tenga continudá y que nun se frustren proyectos nin haya retrasos, precisa d'un gobiernu municipal d'izquierdes

Esti gobiernu de la izquierda plural va ayudar a impulsar les viviendes de protección, les polítiques industriales y a acabar coles "lleendes urbanes", con aquella mocedá con altu nivel de formación que nestos momentos ha emigrar porque nun alcuentra trabayu.

Candidatura IU-BA-Los Verdes de Mieres

1.Luis Álvarez Payo

2.Marcos Cienfuegos Marqués

3. Raquel Suárez Fernández

4.Olga Álvarez García

5.José María Prieto Álvarez

6.Manuel Ángel Álvarez Álvarez

7.Gabriel Hernando Díez

8.Juan Carlos Martínez Berenguer

9.Diana López Antuña

10.Miriam García Fernández

11.Mª Luz Fernández Álvarez

12.Jesús Armando Vila Fernández

13.Guillermo Gutiérrez González

14.José Ángel Pozo

15.Beatriz Caridad Florez Álvarez

16.Gregoria Pérez Díaz

17.José Desiderio Fernández Muñiz

18.Patricia Velasco Muñiz

19.José Alfredo Álvarez Fuego

20.María del Mar Valledor Casal

21.Mario Castro Castillo