Menu

Argüelles destaca la capacidá negociadora de la formación y Zapico xustifica nun algamar l'alcuerdu poles discrepancies en materia fiscal

Izquierda Xunida llogró incluyir nel presupuestu d'Asturies dalgunes de les sos propuestes, a pesar de que les cuentes pa 2017 que salieron alantre solo colos votos de PSOE, PP y Ciudadanos. El coordinador xeneral de la formación, Ramón Argüelles, destacó precisamente qu'a pesar de la oposición a estes cuentes, IX consiguió que s'aceptaren dalgunes de les sos iniciatives de forma que s'apanga un proyectu que yá non s'asitia en "el peor de los escenarios".

La política fiscal foi una de les grandes torgues p'algamar un alcuerdu, al amontase les exenciones en sucesiones, xenerando lo que, a xuiciu d'Ovidio Zapico, ye un xardín fiscal" pa unos pocos privilexaos.

"Nun ye'l presupuestu qu'IX deseyara pero recueye, nel peor de los escenarios posibles, munches de les prioridaes y oxetivos qu'establecimos cola FSA nel alcuerdu de investidura", aseguró Zapico, que foi l'encargáu d'afitar posición nel alderique presupuestariu.

El diputáu destacó que l'acción política d'IX dexó dotar con fondos pa la Fundación Metal, evitando'l concursu d'acreedores que taba previstu pa los primeros meses de 2017, la medría de la partida pa l'Academia de la Llingua, pero tamién n'otros como mocedá, deporte asturiano, según inversiones en materia sanitario o educativa.

La imposibilidá de llegar a un alcuerdu global foi xustificada por Zapico, daes les importantes diferencies en materia impositivo. "Rescampla que nun podemos tar acordies col modelu que defende'l Partíu Popular y nun compartimos la idea de de convertir Asturies nun xardín fiscal pa unos pocos privilexaos".