Menu

Jesús Iglesias, Coordinador Xeneral d’Izquierda Xunida d’Asturies participó ayeri na presentación del candidatu a l’alcaldía de Ribesella, Francisco Vázquez. Nesti actu’l candidatu a l’alcaldía ribesellana asoleyó dalgunes de les exes del programa electoral pa estes elecciones, ente los que s’alcuentren l’urbanismu y el turismu.

Jesús Iglesias, Coordinador Xeneral d’Izquierda Xunida d’Asturies participó ayeri na presentación del candidatu a l’alcaldía de Ribesella, Francisco Vázquez. Nesti actu’l candidatu a l’alcaldía ribesellana asoleyó dalgunes de les exes del programa electoral pa estes elecciones, ente los que s’alcuentren l’urbanismu y el turismu.
La vixilancia del urbanismu va ser una constante nel llabor municipal a desenvolver nel futuru, sobremanera, cuando’l Plan Xeneral d’Ordenación Urbana entovía nun s’aprebó nel conceyu y nun momentu nel qu’esisten "munchos intereses económicos per mediu", según Vázquez. La protección ambiental y de la zona costera va ser una exa programática, ya que de llevase a cabo les 6.000 viviendes previstes, poco "va quedar yá por protexer" y s’acabará con un de los principales motores económicos de la zona, como ye’l turismu

. Francisco Vázquez, que se presenta por tercera vegada a l’alcaldía, va incluyir en so programa electoral una baxada de los impuestos municipales qu’afecten al agua y la recoyida de basoria, asina como un recorte de los sueldos de los conceyales lliberaos y los gastos de representación municipales

. Jesús Iglesias, Coordinador Xeneral d’Izquierda Xunida d’Asturies destacó’l llabor desendolcáu pol actual grupu municipal de la formación en Ribesella, una referencia nel conceyu pol so trabayu en defensa de Tito Bustillo y el compromisu col desendolcu urbanísticu sostenible, que responda dafechu a les necesidaes ciudadanes y non a la especulación. Iglesias tamién destacó l’actitú "poco cooperadora" del rexidor de Ribesella, José Miranda, cola alministración autonómica durante la llexislatura, lo que llevó a nun poder cumplir dalgunos de los compromisos d’IX en materia de vivienda.