Concha Masa, diputada d'IX na Xunta Xeneral, llevó esta mañana al parlamentu autonómicu'l reproche al Gobiernu autonómicu y, sobremanera, al nacional pola “insuficiencia” del exerciciu del derechu a los afectaos por situaciones de guerra, poniendo de relieve qu'a finales de septiembre España nun va llegar nin al 10% de los refuxaos qu'en principiu comprometiera acoyer cola Comisión Europea, “un fracasu” como acaba de poner de relieve esta mesma institución. “España pa la nuesa vergüenza ye unu de los peores países en cumplimientu del compromisu, de los 17.000 refuxaos nun vamos llegar, nin na meyor de les previsiones a los 1.600”, alvirtió la diputada d'IX.
Nel casu d'Asturies, Masa reconoció la esistencia d'un protocolu d'atención, un bon planteamientu, pero llamentó que “solo sirviera pa dar ayuda a 56 persones” y esixó una actitú de mayor esixencia y presión col gobiernu d'España pa nun quedar nuna situación tan “escasa” nesta crisis de solidaridá.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies