Menu

Representantes autonómicos y municipales axuntáronse güei en L.luarca pa definir estratexes de collaboración en materia de servicios, prestaciones y actividá económica

Izquierda Xunida va coordinar la so acción política, tantu municipal como autonómica, nel Occidente d'Asturies coles mires de fortalecer les sos iniciatives comunes con incidencia nos distintos conceyos de la área. Precisamente y con esti fin, la formación celebró güei una xunta en L.luarca, na que participaron amás de representantes institucionales y orgánicos na zona, el coordinador xeneral, Ramón Argüelles, la vicepresidenta primera de la Xunta Xeneral y responsable de Mediu Rural, María José Miranda, y los secretarios de Política Municipal y Acción Política, Gabriela Álvarez y Juan Ponte.

"L'oxetivu ye poner de mancomún polítiques que sirvan pa reforzar tantu'l campu como'l mar en toa Asturies. Vamos Faer lo mesmo nel oriente: el casu ye poder contribuyir a ameyorar los territorios y faer una IX más fuerte, que pueda sirvir tamién a los ciudadanos y a les ciudadanes", resumió Argüelles.

Dende los servicios y prestaciones, en sanidá o educación, hasta'l tresporte y víes de comunicación, pasando polos retos de les grandes esplotaciones ganaderes fueron dalgunos de les temes que se trataron.