Menu

El coordinador xeneral d'IX llamenta la nefasta xestión que va faer perder una inversión de dos millones d'euros y que podría suponer más perda de dineru público pola intención municipal d'allongar el procesu xudicial

Izquierda Xunida llamentó güei el nuevu fallu xudicial qu'esixe la baltadera d'una parte de la obra de remodelación del Cine Goya, un proyectu fallíu y que va suponer la perda de millones d'euros pa Valdés. El coordinador xeneral d'IX, Ramón Argüelles, ironizó sobro la situación tres una sentencia "demoledora” que, al so xuiciu, vien simbolizar la nefasta xestión al frente del Conceyu de Valdés. “Va haber que tirar a lo menos parte del Cine Goya; casi dos millones d'euros públicos y nun ye l'únicu sucesu qu'hai nesi sentíu. Esto ye, obres que salen y que salen con un preciu bien cimeru a lo que dempués va revertir a los vecinos. Creo que tenemos de cabilgar. Quien tien la responsabilidá nesti casu, yo sé que la sentencia ye un casu heredáu, nun ye d'esta corporación, ye de la corporación anterior, curiosamente de quien dirixe güei l'Urbanismu d'Asturies. Creo que con eso tenemos qu'apuntalo toos na llibreta cosas que pueden faese y ésta lóxicamente nun faela”.

L'aventadura municipal, que paez dispuesta a un nuevu recursu pa evitar el valtamientu, yá nun procesu de casación, nun paez, a xuiciu de Ramón Argüelles, la vía más fayadiza, pos podría suponer una nueva perda de más dineru público yá que, esplicó, “la sentencia ta bien encontada y esto lo que fadría sería allongar el tiempu y el dineru”.