El diputáu d'IX recuerda que'l proyectu de tren cremallera a los Llagos de Cuadonga tán nes conseyeríes dende hai casi 20 años
Ovidio Zapico, diputáu d'IX na Xunta Xeneral, recuerda que yá alvirtió la selmana pasada na so visita a Cangues d'Onís de la presencia abusivo y desatamañao” de piragües nel ríu Sella, enmarcao dientro de la masificación que sufren, ente otros curiosos turísticos de la zona, los Llagos de Cuadonga. Agora'l Gobiernu reconoz la necesidá d'ordenar l'actividá de les canoes nel ríu. Zapico aboga por un turismu sostenible pal que ye necesariu una reordenación de tolos sectores implicaos.
Tenemos un productu n'Asturies con una potencialidá turística terrible, munchos d'ellos nel Oriente, pero tamién corremos el peligru de la masificación, un peligru qu'hai qu'asumir yá. La masificación, alvierte'l diputáu, solo atáyase con una ordenación de tolos sectores. “Tien De ordenar nel ríu Sella tanto y el númberu d'usuarios que baxen acaldía, como la llimpieza de les marxes, les instalaciones en forma de chiringos nes sableres fluviales, pa ufiertar un modelu sostenible de turismu”. Agora mesmu, sostien el diputáu, nun se ta produciendo esa sostenibilidá turística que tien de buscar Asturies.
Per otru llau, el diputáu d'IX tamién se refirió a les declaraciones de la conseyera de Desenvolvimientu rural y Recursos Naturales, María Jesús Álvarez nes que dixo nun conocer el proyectu del tren cremallera a los Llagos de Cuadonga. Zapico recordó qu'esti proyectu esiste y ta nes conseyeríes del Principáu dende fai casi 20 años. “Habría qu'actualizar l'estudiu d'impactu ambiental, pero'l proyectu yá esiste, y el Gobiernu autonómicu ye conocedor del mesmu”, aseguró en Cuideiru, onde encetó los arramaos d'agües residuales al Cantábricu.
