Menu

IX entamó nel Parlamentu Européu, en Bruxeles, una conferencia pa encetar dende la perspectiva de xéneru la llucha palestina

Palestina foi güei protagonista nel Parlamentu Européu, en Bruxeles, na Conferencia sobro'l papel de la muyer na llucha del Pueblu Palestín, entamada por Izquierda Xunida -miembru del Grupu de la Izquierda Europea (GUE/NGL)- y que dexó visibilizar la situación de conculcación sistemática de los derechos d'estos territorios que sufren la ocupación israelina.

La eurodiputada Ángela Vallina y el coordinador xeneral d'IX, Ramón Argüelles, coincidieron en destacar la importancia de la muyer na resistencia palestina y la necesidá de reivindicar esta llucha que, tres décades de opresión, sigui calteniendo vivu l'espíritu de superación y busca de la llibertá de tou un pueblu. "Creo que son famoses por ello y tamién son bien almiraes por munches muyeres porque ye bien difícil realizar esti llabor nun contestu marcáu pola ocupación (israelina) y pola ausencia, amás, de perspectives nos territoriu ocupaos".

Pa Ángela Vallina, que xunto al tamién eurodiputáu d'IX presidieron la conferencia, les muyeres palestines son, amás, "un nexu y un llazu de cohesión de la sociedá palestina y del so futuru". Vallina xustificó la organización d'esta conferencia y d'otros actos de visibilización tantu pola delda histórica colos palestinos como cola necesidá de dar repuesta a l'actual situación mundial , cola crecedera de la estrema derecha , que faen entá complicada llegar a una solución pal Pueblu Palestín".

Argüelles, destacó la importancia de dar a conocer l'acción de les muyeres palestines yá que, dixo, "non siempres tán en primer llínea pero que son indispensables pa esa llucha d'esi pueblu". El coordinador xeneral d’IX Asturies señaló nesti sentíu que ye necesario reconocer per un sitiu el valor de la llucha de les muyeres palestines y, amás, que se reconoza la nación palestina como una nación soberana.

La conferencia, a la qu'asistieron alredor d'un centenar de persones llegaes dende distintos puntos d'España y Europa, tenía na so organización, amás d'Ángela Vallina y Javier Couso per parte del Grupu de la Izquierda Europea, a l'Asociación de Solidaridá Internacional Unandikum.

D'Asturies, tamién viaxaron hasta Bruxeles, el secretariu d'Árees d’IX Asturies, Javier Suárez Llana, la concejala d’IX Avilés, Llarina González, y Alex Sanchís, de Unadikim y del PC Asturies.

Ente los conferenciantes tuvieron Leila Khaled, del Frente de Lliberación de Palestina, Sahar Francis, director de Addameer, y Ahed Tamimi, activista contra los asentamientos israelinos en Palestina.