La ganadería tien de ser un sector estratéxicu pal desenvolvimientu del mediu rural asturianu. El coordinador xeneral d'IX d'Asturies, a Ramon Argüelles, aseguró güei na "Feriona" de Teberga que ye imprescindible la puesta en marcha de polítiques que dexen afitar población nel campu y apostó pola ganadería como unu de los sos sectores que pueden ser un motor de desenvolvimientu.
Argüelles recordó qu’hai solo una selmana plantegara la necesidá de llograr que la sidra asturiano con denominación d'orixe dexe dar salida a la producción de mazana autóctona. Nesti sentíu esplico que de la mesma la carne d'Asturies con denominación d'orixe tien que contribuyir a llograr nuevos mercaos basaos na calidá , pos al so xuiciu eso va redundar en beneficiu tantu nel consumidor como nos productores.
Pela so parte, l'alcaldesa de Teberga, Maria Amor Ardura destacó l'ésitu d'esta cita ganadera. La vitalidá d'esta feria, señaló la rexidora, amuesase nes más de 700 reses que se concentraron na feria, mayoritariamente ganáu vacuno, pero tamién caprino, ovín.
Nun conceyu rural como Teberga, esplicó Ardura, esti tipu d'eventos son imprescindibles pala dinamización de la so economía. A pesar del paulatín abandonu del campu, nesti conceyu, destacó la rexidora, hai mozos ganaderos que son el futuru del conceyu.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
