El coordinador d'IX llama a rescatar "lo que queda del naufraxu presupuestariu" cola negociación de los creitos estraordinarios y anuncia que la formación ta abierta al diálogu con Podemos y PSOE
El coordinador xeneral d’IX Asturies, Ramón Argüelles, reivindicó güei nuevamente la necesidá d'algamar alcuerdos pola Izquierda que dexen salvar lo que queda de llexislatura. A entrugues de los medios, el máximu responsable de la formación señaló la necesidá d'un entendimientu imprescindible y demandao socialmente. “Dende IX queremos dicir que tamos a tiempu inda, que nun entremos en campaña electoral, qu'hai munches coses que pueden faese poles y polos asturianos y les nueses puertes van tar abiertes para ser esi pegamentu, intentemos, ente la izquierda”.
Ramón Argüelles recordó qu'esi entendimientu nun foi posible pa los presupuestos pero que, igualmente, yera necesario intentar salvar “lo rescatao de naufraxu”. El coordinador xeneral d'IX aludía, d'esta forma, a la negociación de creitos estraordinarios: “con nós van tener siempres actitú dialogante, tanto Podemos como'l Partíu Socialista”.
La falta d'alcuerdu nos próximos meses, sollertó'l coordinador xeneral d'IX, “puede significar que sía un refuerzu de la derecha dientro d'un añu y mediu. Oxalá eso nun se cumpla”. Eso sí, alvirtió, “IX nun se va emprestar a esi xuegu. Vamos intentalo sacando coses nel Boletín Oficial del Principáu d'Asturies que ye onde, de verdá faen efectu pa les asturianes y los asturianos”.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies