Menu

L'oxetivu ye favorecer afitar y atraer población nel campu con ayudes qu'impulsen el autoemplegu y l'inversión

Izquierda Xunida va sofitar la iniciativa de la Rede Asturiana de Desenvolvimientu Local (READER) pal "ticket autónomu rural", que'l so oxetivu ye qu'aquelles persones desemplegaes que se pongan como autónomos nel mediu rural n'actividaes que nun sían nin de ganadería nin d'albañilería puedan tener una subvención de 25.000 euros, de mano, más otra si faen una inversión, como una midida pa favorecer afitar y atraer población al campu asturiano. El coordinador xeneral de IU Asturies, Ramón Argüelles, axuntóse precisamente esta mañana colos máximos responsables de la entidá, Belarmino Fernández Fervienza y José Ramón Feito Lorences (amás alcaldes de Somiedu y Tieno), pa falar de les posibles víes de cooperación.

Polo pronto, el ticket autónomu foi calificáu como una bona alternativa por Ramón Argüelles pa quien esta iniciativa encaxa, dixo, nel ADN D'IX".

Na xunta los responsables del READER plantegaron amás la necesidá de que la futura llei del creitu estraordinariu habilítense 16 millones d'euros pa licitar partíes que dexen la inversión nel mediu rural, según que se faiga una convocatoria, antemanadamente, pal 2019, que torgue que se retrasen los proyectos.

Nesta xunta participó tamién la secretaria de Política Muinicipal Gabriela Álvarez quien destacó la importancia d'iniciatives que dexen fortalecer la demografía nes zones rurales, por aciu víes que supongan el desenvolvimientu local y la medría del emplegu.