Menu

Izquierda Xunida d'Asturies caltuvo en díes pasaos alcuentros de trabayu con una delegación de la Embaxada de Venezuela, formada pol xefe de la Misión Dipolomática d'ési país n'España, Mauricio Rodríguez, el Ministru Conseyeru, Julio García, el cónsul de primera, O’Brien Guerra, y el Cónsul en Vigo, Martín Pacheco.

L'oxetu de les xuntes foi dar a conocer, de primera mano, la situación pola que traviesa la República Bolivariana, con distintos actos nos que tuvieron presentes con diputaos y diputaes de la formación na Xunta Xeneral del Principáu, los máximos responsables orgánicos, como'l coordinador xeneral, Ramón Argüelles, y el secretariu de Solidaridá Internacional, Roberto Ruiz, y con miembros del PCA, encabezada pol so secretariu xeneral Franciso de Asis Fernández Junquera

A lo llargo de delles xornaes, los máximos responsables venezolanos n'España, caltuvieron tamién entevistes con responsables d'IX en conceyos como Mieres, Castrillón, Uviéu o Xixón. Mauricio Rodríguez amosóse bien satisfechu d'estos alcuentros. "Asturies ya Izquierda Xunida pa mi van xuntos a partir d'estos díes que tuvimos acá", esplicó'l xefe de la delegación. Y ye que, aseguró, "en tolos llugares fuimos abrazaos, inclusive amburaos del calor que nos dieron".

El programa de cabildeo escuerre, señaló Rodríguez, "llevar la voz de Venezuela con más tresparencia y con más sinceridá a la mayor parte de la población d'España".

A lo llargo de tola visita, la delegación venezolana tuvo acompañada por Roberto Ruiz, quien destacó la necesidá d'estos alcuentros para conocer, de primera mano, la situación de bloquéu que traviesa'l país.