Menu

El 25,3% de les persones inscrites nel censu d'IX d'Asturies participó nel referéndum entamáu pola Federal, a falta del recuentu de les meses de Llangréu, Avilés Gozón y Corvera, que nel momentu d'unviada d'estos datos entá nun se disponía. Presencialmente, el númberu de votos emitíos foi de 141 (6,05%), a los qu'hai que sumar los cursaos al traviés de la web d'IX Federal y que supunxeron otros 438.

La consulta foi convocada y entamada pola dirección d'Izquierda Xunida Federal ente los díes 12 y 17 de xunu sobro l'alcuerdu marco de coalición con Podemos y Equo pa les próximes elecciones europees, autonómiques y municipales de 2019.

Izquierda Xunida d'Asturies entamó'l so últimu referéndum sobro estratexa electoral el 30 de xunu de 2017, nel que'l porcentaxe de participación asitiase nel 45%.

Nes próximes selmanes, la dirección d'IX Asturies va convocar el so propiu procesu de consulta pa decidir sobro alcuerdos electorales nel ámbitu de la Comunidá Autónoma p'allegar a la Xunta Xeneral del Principáu y a les municipales. Nesti casu, Según recuéyese nel alcuerdu robláu esta mesma selmana ente IU Asturies ya IX Federal, les resultancies del próximu referéndum van ser venceyantes pa definir posibles aliances de cara a los comicios de 2019 nel Asturies.

va unviase, cuando se disponga de les meses que falten, el cómputu final.

Al respective de les resultancies de la votación, nun se dispon del cómputu global, qu'en teoría tendrá de ser emitíu nel so momentu por IX federal. Tocantes a los presenciales, hai qu'esperar igualmente a que se conozan los datos de les meses que falten por conocer pa poder ufiertar la cifra final.