Ix Llanes ya IX Asturies piden el máximu respetu y repiten la consternación pol so fallecimientu y la esperanza y esixencia del so esclarecimientu
La familia de Javier Ardines comunicó la so decisión de realizar n'absoluta privacidá la so despidida, polo que dende IX Llanes ya IX Asturies van caltener de forma escrupulosa'l respetu a los sos deseos.
Nestos duros momentos, queremos manifestar la nuesa consternación y tristura y la nuesa esperanza y esixencia d'un nidiu esclarecimientu de los fechos.
Sía que non, por respetu a la memoria del nuesu compañeru y de la so familia y persones allegaes, pidimos la máxima consideranza y templanza, evitando especulaciones que nun conducen a nada, nin sirven pal esclarecimientu d'esti dramáticu fallecimientu.
Ta abierta una investigación que ye na que se tienen qu'esclariar toles circunstancies de la muerte de Javier Ardines y, por doliosa o difícil que seya, ye imprescindible aguardar a la so conclusión ensin especulaciones qu'en nada contribúin salvu pa xenerar más dolor ya incertidume.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies