Menu

La candidata d'Asturies pola Izquierda a la presidencia de Principáu pide aprovechar el cambéu na PAC y un estatutu pa les electrointensives que prime l'interés xeneral sobro'l de les empreses eléctriques

La candidata d'IX a la Presidencia d'Asturies, Angela Vallina, reclamó güei en Grau remanes en tolos ámbitos granible y económicu d'Asturies pa llograr un nuevu modelu económicu y con garantíes tanto pal sector industrial como pal mediu rural. En materia de xestión del Campu, Vallina apostó por aprovechar el cambéu na política agraria común (PAC)de la Unión Europea, que pasa por recuperar esplotaciones más pequenes y medioambientalmente sostenibles, tantu dende la perspectiva económica como de xestión del territoriu. Canales de distribución curtios, cola busca de productos calidables tienen que ser parte d'esti cambéu nel modelu.

Tamos en Grau, esplicó Vallina, n'unu d'esos conceyos nos que la sangría demográfica yá pasó factura, al menguar de los 10.000 habitantes, coles repercusiones económiques que va tener pa les arques municipales la perda d'ingresos. “Tamos nel día del mercáu y tamos reivindicando un modelu (de xestión del mediu rural) como'l qu'últimamente defende Europa, más sostenible, de pequenes esplotaciones, de comercialización más directa”.

Pero en Grau, nun son ayenos a los problemes derivaos de la descarbonización express y de los anuncios de zarros de térmiques. De fechu nel Conceyu moscón una gran pancarta recuerda'l peligru pol fin de l'actividá de la térmica del Narcea. “Volvemos aportunar nesi estatutu pa les empreses electro intensives, qu'amás son les empreses españoles que menos ayudes de la Unión Europea reciben y nes que la enerxía ye más cara”.

Respectu al sector industrial, la cabeza de llista d'Asturies pola izquierda reprochó tantu a los gobiernos del Partíu Popular como'l Partíu Socialista la so pasividá frente al modelu enerxéticu, cola privatización completa de les eléctriques, que punxeron al so serviciu tou un país ensin tener en cuenta los efectos pal restu de la economía. “Ye hora yá de que les eléctriques, el sistema eléctricu español, tean al serviciu de la ciudadanía, al serviciu d'España, y non los ciudadanos y el restu del país al serviciu d'elles. Yá va siendo hora de que-y deamos la vuelta y sían pal nuesu serviciu, non pa los sos beneficios“.

Angela Vallina, al pie del númberu trés y el númberu seis de la candidatura, María José Miranda y Faustino Zapico (IAS), acompañaron na mañana de güei a la ocupación local en Grau nuna repartida informativa electoral, nel qu'esplicaron los pormenores del programa d'Asturies pola izquierda pa zones como esti conceyu de la circunscripción occidental asturiana. Meyores comunicaciones físiques pa tol sur occidente, meyora de les comunicaciones virtuales en zones rurales y sofitu a los sectores granibles pa xenerar empléu calidable, formen parte de les prioridaes de la formación de cara a los próximos cuatro años.

La candidata númberu dos na llista municipal de Grau Elsa Suárez aprovecho'l mercáu pa esplicar el programa electoral pal Conseyu, que pasa por una meyora nos servicios públicos, y na atención a la ciudadanía dende la tresparencia, la honestidá pero tamién dende la eficiencia y l'eficacia. Nos postreros cuatro años, recordó la edil, Grau llograra recuperar patrimoniu, amenorgar delda, de la qu'ameyoró les prestaciones a la ciudadania