Menu

El coordinador electu asegura qu'hai "disposición al diálogu" ya interés nel alcuerdu per dambes partes

Ovidio Zapico amosóse güei optimista al respective de una próximu resolvimientu de les diferencies ente IU Asturies ya IX Federal, nel enfotu de que se va algamar un alcuerdu satisfactoriu pa dambes partas. "Soi optimista porque noto, en dambes partes, disposición al diálogu, disposición al alcuerdu, tanto pela parte d'IX Federal como pela parte d’IX Asturies".

El coordinador xeneral electu de la formación esplicó, en participando na Asamblea Político Social, qu'hai un elementu fundamental que nun puede perdese de vista de cara al resolvimientu de les desencuentros: "nin ellos tán dispuestos a prescindir de la mayoría d'Izquierda Xunida d'Asturies, tolo qu'eso significa, tocantes a poder institucional, tocantes a conceyales, tocantes a alcaldes, en cuanto al grupu parlamentariu na Xunta Xeneral, tocantes a masa de militantes y que, per otru llau, nós, esa mayoría de IX Asturies tamos tamién a gustu nel marcu d'IX Federal. Y más, agora, que compartimos estratexa política de llegar a alcuerdos que faigan posible, igual que fiximos en bien de ocasiones n'Asturies mientres años, gobiernos plurales de la izquierda".

La solución, esplicó Ovidio Zapico, ye una cuestión de tiempu. "Güei equí alcuérdase empecipiar un procesu pa resolver, per mediu d'una comisión mista, esti conflictu". Polo pronto, na Coordinadora d’IX Asturies que se va celebrar la próxima selmana, van escoyer a los representantes asturianos pa empecipiar el procesu. "Nel plazu d'unes selmanes vamos poder algamar un alcuerdu satisfactoriu pa dambes partes y toi seguru que’l 12 de xunu, cuando s’abra l'Asamblea Federal d'IX, vamos tar nella, vamos tomar parte d'esa delegación, y vamos entamar dafechu'l procesu n'Asturies dende los sos entamos".

El coordinador elector aprofió que'l conflictu ye xurídicu pero non políticu, polo que la Comisión Mista tien de buscar l'harmonización de lo que ta en cuestión que, enfatizó, "nun ye la elección del coordinador, sinón la forma na qu'escoyimos la nuesa Coordinadora".

L'oxetivu ye empezar a dialogar yá cola Comisión Mista formada en marzu.