Menu

El diputáu sollerta d'un escenariu lloñe del previstu y asegura que tendría de abrir l'alderique sobro falles del sistema económicu, como'l papel de les farmacéutiques y de la Comisión Europea, que tán agravando la situación

El diputáu y coordinador xeneral d’IX Asturies, Ovidio Zapico, llamentó'l baxu ritmu de vacunación que se ta articulando n'Asturies magar, esclarió, nun cuestiona'l dispositivu puestu en marcha nin tampoco la efectividá del sistema asturianu y los sos profesionales na campaña. Otra cosa ye'l ritmu, enfatizó el parllamentariu, que calificó de "dexasperantemente lentu".

Pa zapico, qu'en trés meses llográrase namá la vacunación del 8,13 per cientu de la población ye una cifra baxa, más porque se prevía que, a partir d'abril, habría capacidá pa poner 150.000 vacunes a la selmana, una cifra que paez que yá nun va ser asina. "Tamos énte un escenariu peor de lo previsto y nun sé si va poder siguir usté calteniendo eses previsiones en redol al branu p'algamar esa cota d'inmunización de la población asturiana".

Ovidio Zapico recordó qu’hai unes selmanes pidió al Conseyeru Pablo Fernández que treslladara a la Ministra de Sanidá la esmolición, el malestar y el cabréu con tolo que ta pasando cola distribución de les vacunes, el papel de les farmacéutiques, y el de la Comisión Europea: "Esi ye l'alderique qu'hai qu'abrir" -enfatizó’l diputáu pa quien naide se punxo a pone-y el cascabel al gatu-". Ello ye que al so xuiciu, fallen preceptos esenciales como la vacunación universal y nun s'enceta'l papel de les patentes, o de la Comunidá Europea,evidenciando "les grandes falles d'esti sistema económicu"

Una prueba d'esa errónea forma d'encarar la pandemia ye fiar a les farmacéutiques la solución, favoreciendo faer negación a cuenta de la salú de la ciudadanía. "Quiciabes habría que poner más dineru público español na vacuna del CSIC y nun alimentar a otres compañíes farmacéutiques. Naide ta, a última hora, apertando a la Unión Europea pa dicir ¡abasta yá!".

Na sesión de la Comisión de Salú, Ovidio Zapico volvió pidir información sobro les vacunaciones nel Montepío de Felechosa y na Camilo Beceña de Cangues d'Onís, por culpa de que, hasta la fecha, nun se facilitó nengún datu pa esclariar duldes sobre'l procesu en dambos centros. Ello ye que el diputáu d'IX recordó qu'en febreru creábase un grupu de trabayu pa segumientu, analís y control de l'aplicación de la estratexa de vacunación n'Asturies, y a unu de marzu yá se constituyera ensin que, hasta la fecha, diera respuesta a la entruga.

🗣 @ovizapico cree "exasperante" el ritmo de vacunación en #Asturias y llama al debate sobre fallas del sistema económico, el papel de las farmacéuticas y de la Comisión Europeo, que están agravando la situación. https://t.co/B63zM0Giju https://t.co/1soy9MdCF2

— IU Asturias (@iuasturias) March 30, 2021