Ovidio Zapico asegura que la xestión d'estos bienes tien de repercutir directamente nes comunidaes locales, lo que podría sirvir como una ferramienta más p’afitar población.
Izquierda Xunida reivindicó güei la necesidá de devolver los montes comunales a los sos propietarios históricos. El diputáu y coordinador xeneral, Ovidio Zapico, aseguró que, sobro esti asuntu, nun puede perdese más tiempu. "Tien qu'haber una repercusión directa a esos vecinos del aprovechamientu de los montes, esto ye, beneficios sociales, que van ser dellos: va ser unes meyores condiciones del monte, van ser tamién qu'aquello que s'esplota va redundar de forma directa neses comunidaes vecinales". Tratase d'un mecanismu más, según Zapìco, pa llograr "afitar población".
Sía que non, esa devolución tendría de dir acompañada pola puesta en marcha d'una auténtica "política forestal" n'Asturies, daqué que, a xuiciu del coordinador xeneral d'IX, nun esiste nestos momentos na Comunidá Autónoma. Pa ello, apuró a desenvolver reglamentariamente la Llei de Montes que contien delles disposiciones que podríen ser una ferramienta útil pal desenvolvimientu del campu asturiano, como podríen ser los contratos territoriales d'esplotación.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies