Menu

Ángela Vallina reprocha que la compañía, con beneficio récord, pretenda siguir aumentando ganancies a mariña del sufrimientu de la so plantiya

Izquierda Xunida pidió güei al conseyeru Enrique Fernández que "ponga tola carne nel asador" pa evitar el zarru de Pizza Hut en Xixón, únicu local de la cadena n'Asturies xestionáu de forma directa. La vocera Ángela Vallina, reprochó la decisión de la empresa de liquidar esti centru por culpa de que nun respuende a una situación de dificultaes económiques sinón que, otra manera, la cadena rexistró beneficios récord. "Toi pidiéndo-y que como persona progresista que diz que ye que-yos diga daqué tan cenciello como esto: Soi conocedor de la vuesa situación y voi faer tolo que tea na mio mano y la del mio gobiernu d'Asturies para tratar de ayudar. Nun-y toi pidiendo namás qu’eso, señor conseyeru. Pero tampoco nada menos", reivindicó la diputada.

Y ye que Food Delivery Brands, empresa de restauración que cunta coles marques Telepizza y Piza Hut, rexistró unes vientes de 297 millones d'euros nel primer trimestre de 2022, un 17 per cientu más que nel mesmu trimestre del añu anterior y un dos per cientu cimeru a les que teníen antes de la pandemia. Con estes resultancies consolídense, esplicó Vallina, les que yá presentó'l grupu en 2021 del que salió reforzáu, tanto financiera como operativamente n'algamando unes vientes de 1.134 millones d'euros, y unos beneficios de casi 50 millones d'euros, un 66% más que nel exerciciu 2020, superando les estimaciones comunicaes al mercáu, asitiaes ente 39 y 41 millones.

Con estes cifres, señaló la diputada, "nun tamos ante la típica situación d'una empresa que tea travesando graves dificultaes qu'amenacien la so viabilidá, como creyí entende-y de les sos palabres el pasáu xueves. Non. Food Delivery Brands, de la que MIXOR nun ye sinón una filial cola qu'inclusive comparte see social, ye una empresa que va bien. Podríamos dicir inclusive que va perbién, a tenor de lo que dicen los sos propios informes".

Sicasí, a pesar de los pingües beneficios, entren nuna nueva estratexa de despidos que, amás de los 21 de Xixón, va suponer en Toa España más de trescientos, ensin otra xustificación que l'avaricia: "¿por qué se van a cerrar establecimientos que dan beneficios? La respuesta ye bien senciella, y usté saber igual que yo: porque los dueños quieren ganar inda más. Y quieren faelo, nun ameyorando la calidá y por tanto la demanda de los sos productos, lo que sería lexítimu, sinón a mariña del sufrimientu de les sos trabayadores y trabayadores. Esto nun ye responsabilidá social corporativa nin Cristu que lu fundó".

Nesta situación, Ángela Vallina pidió a Enrique Fernández que, "más allá de les sos obligaciones institucionales, nun sía políticamente neutral ante una situación intolerable como la que tán sufriendo el trabayadores y trabayadores de Pizza Hut, nin como les que sufren otru trabayadores y trabayadores asturianos que ta travesando situaciones asemeyaes. Pídolu que ponga tola carne nel asador na defensa de los derechos llaborales d'estes persones"

Nes semeyes axuntes, Ángela Vallina al términu del Plenu con representantes de la plantiya de Pizza Hut en Xixón, na escalinata del palaciu de la Xunta Xeneral