Menu

IX-Los Verdes d’Uviéu/Oviedo esixe que les próximes inversiones financiaes pol Fondu d’Inversión Llocal previstu pa 2010 s’incluyan infraestructurds de comunicación ente barrios como la conexón ente La Florida y Les Campes o la comunicación ente La Florida y el Parque del Oeste.

IX-Los Verdes d’Uviéu/Oviedo esixe que les próximes inversiones financiaes pol Fondu d’Inversión Llocal previstu pa 2010 s’incluyan infraestructurds de comunicación ente barrios como la conexón ente La Florida y Les Campes o la comunicación ente La Florida y el Parque del Oeste.

IX-Los Verdes albidra que dambes obres encaxaríen dientro de los oxetivos previstos pol Fondu d’Inversión Llocal, orientáu ente otros oxetivos hacia proyectos medioambientales y que favorezan la comunicación, la movilidá caltenible y el tresporte públicu, y la so execución con cargu a los recursos aportaos pol Estaú permitiría la construcción d’unos enllaces pendientes y mui demandaos polos vecinos y les asociaciones vecinales de los barrios afectaos, que l’Ayuntamientu foi incapaz de resolver colos sos propios recursos o recurriendo a la inversión privada de promotores y constructores con intereses na zona

P’Adolfo Saro, voceru d’IX d’Uviéu "estos fondos aportaos pol Gobiernu central habríen empobinase a la realización d’obres y l’establecimientu de servicios d’interés xeneral y con un grau d’incidencia na ciudadanía lo más amplio posible, en llugar de destinalos a obres suntuaries o de mui duldosa utilidá y de reducíu impactu  la vida cotidiana y les necesidaes de los uviedinos".