Menu

IX d'Asturies considera inaceptable'l despidu llibre que propón la CEOE y la desregulación que plantega de los Espedientes de Regulación d'Empléu (ERES), qu'ayeri reclamó'l presidente de los empresarios. La patronal pretende que paguen la crisis aquellos que nun la provocaron: los trabayadores. Ye inaceptable qu'aquellos qu'amasaron grandes fortunes nos últimos años, gracies a la especulación y el negociu fácil, pretendan agora salir ensin consecuencies.

IX d'Asturies considera inaceptable'l despidu llibre que propón la CEOE y la desregulación que plantega de los Espedientes de Regulación d'Empléu (ERES), qu'ayeri reclamó'l presidente de los empresarios. La patronal pretende que paguen la crisis aquellos que nun la provocaron: los trabayadores. Ye inaceptable qu'aquellos qu'amasaron grandes fortunes nos últimos años, gracies a la especulación y el negociu fácil, pretendan agora salir ensin consecuencies.

Jesús Iglesias, Coordinador Xeneral d'IX d'Asturies, demanda al Gobiernu de Zapatero que pare los pies a la CEOE. Nun pue ser qu'aprovechen la crisis pa quitar más drechos, defender el despidu llibre y que les empreses faigan los sos Espedientes de Regulación d'Empléu como-yos pete. "Entamaron una carrera en pos de la desprotección del trabayador utilizando la escusa de la crisis", afirma Iglesias.

El Gobiernu ha tener dos oxetivos claros: lluchar escontra l'incrementu del Paru y protexer a los que más lo necesiten. Frente a la crisis, la izquierda ha garantizar más protección social pa lluchar escontra la probitú y la esclusión social. 328.000 families tienen yá a tolos sos miembros nel paru y el númberu de desemplegaos pue aproximase en pocu tiempu a los 4 millones.

La propuesta d'IX d'Asturies pasa por crear emplegu y ampliar el Plan Autonómicu d'Empléu, pactado nel alcuerdu de gobiernu d'IX-BA-Verdes y la FSA, pol apoyu a l'actividá económica de les PYMES y l'axilidá nes ayudes, pol respaldu a los autónomos... El Gobiernu d'Asturies tien que poner tolos recursos al serviciu de compensar la cayida de l'actividá económica, con un paquete d'iniciatives que dean emplegu o contribuyan a defender el esistente. Esta foi la perspectiva cola que s'afrontó la ellaboración del Presupuestu del presente exerciciu, acudiendo moderadamente al endeldamientu, y la que debe determinar la intensidá de la so execución, forzosamente urxente, considerando prioritaries aquelles inversiones con más capacidá pa xenerar puestos de trabayu y estableciendo los mecanismos de contratación, dientro de la llegalidá, más áxiles y que meyor valoren el compromisu de creación d'emplegu

L'otru exe que consideramos fundamental ye l'aplicación de más política social: agora compruébase la necesidá de midíes como'l Salariu Social, que garantiza ingresos mínimos a toles persones como instrumentu pa lluchar escontra la probitú grave y severa. N'Asturies munchos criticaron esta iniciativa d'IX qu'agora va ser decisiva, por desgracia, pa munches persones. La entrada d'IX-BA-Verdes ye garantía de más izquierda nel gobiernu.