No lo imprimas si no ye estrictamente necesariu
Jesús Iglesias, Coordinador Xeneral de IX de Asturias, Juan Ignacio González y Joaquín Arce de Los Verdes y Roberto Colunga del Bloque por Asturies presentaron formalmente esta mañana la documentación qu’acredita la coalición de los tres partíos énte la Xunta Electoral d’Asturies. Esti actu, tal como explicó Jesús Iglesias, candidato de IU-BA-Verdes a la Presidencia del País supón formalizar un alcuerdu previu de suma, de refuerzu, d’un proyectu alternativu n’Asturies qu’apuesta por mantener una propuesta venceyada a les necesidaes más inmediates de los ciudadanos, dar respuesta a la necesidá d’emplegu, vivienda, mantenimientu de servicios públicos de calidá y les prestaciones sosicales. Amás refuerza conteníos venceyaos con que la medra d’Asturies tien de ser sostenible y polo tanto tien de facese compatible col respetu al mediu ambiente. Esti alcuerdu tien de valir tamién pa la configuración del nuesu país con nivel d’autogobiernu mayor, que tien qu’alcontrar a curtiu plazu, la so manifestación nun Estatutu d’Autonomía.
Jesús Iglesias, candidatu a la presidencia del Principáu d’IX-BA-Verdes, considera qu’un debate a dos bandes nel qu’únicamente participen los candidatos de PP y PSOE sería “antidemocrático” y podría considerase una falta de respetu, non a Izquierda Xunida, sinon al electoráu de la coalición y a la sociedá asturiana ya que marxinaría la propuesta d’un partíu que, por voluntá afitada de los ciudadanos dende hai cuatro años, vien participando nel gobierno del país. Izquierda Xunida desixirá y demandará al PP y al PSOE la so presencia y participación, al mesmu nivel, nos posibles debates electorales que se celebran hasta’l 27 de mayu.
Los candidatos d’Izquierda Xunida a les alcaldíes de Cangas del Narcea y Degaña, José Manuel Martínez y Jaime Gareth Florez participaron nun actu públicu xunto a Jesús Iglesias, Coordinador Xeneral d’ IX d’Asturies y Gaspar Llamazares, Coordinador Federal d’ Izquierda Xunida, que valió pa sofitar a los representantes de esta coalición nel Suroccidente asturianu. Tanto Jaime Gareth Florez, candidatu a la alcaldía de Degaña y cabezaleru de la circunscripción occidental a la Xunta Xeneral del Principáu, reivindicaron la importancia de les comunicaciones y el desarrollu industrial pa la zona, afectada pol despoblamientu que sufren munches zones d’Asturies.
Gaspar Llamazares sostién que’l banzáu va terminar col corazón del Parque Natural
Izquierda Xunida d’Asturies amuesó, otra vuelta, el so rechazu al banzáu de Caliao. L’agua ye un bien estratéxicu pero la construcción d’un nuevu banzáu enmárcase nuna política d’infraestructures antigua y desfasad, que nesti casu, amás confronta col Plan Hidrolóxicu del gobiernu del estáu. Asina lo manifestó Jesús Iglesias, candidatu a la presidencia d’Asturies y Coordinador Xeneral d’Izquierda Xunida d’Asturies, na rueda de prensa que compartió con Gaspar Llamazares, Coordinador Federal d’IX y Elías Rodríguez, alcalde de Casu y candidatu a l’alcaldía.
Gaspar Llamazares sostién que’l banzáu va terminar col corazón del Parque Natural
Izquierda Xunida d’Asturies amosó, otra vuelta, el so rechazu al banzáu de Caliao. L’agua ye un bien estratéxico pero la construcción d’un nuevu banzáu enmárcase nuna política d’infraestructures vieya y atrasada, que nesti casu, amás choca col Plan Hidrolóxicu del gobiernu del estáu. Asina lo manifestó Jesús Iglesias, candidatu a la presidencia d’Asturies y Coordinador Xeneral d’Izquierda Xunida d’Asturies, na rueda de prensa que compartió con Gaspar Llamazares, Coordinador Federal d’IX y Elías Rodríguez, alcalde de Casu y candidatu a l’alcaldía.
Jesús Iglesias, Coordinador Xeneral de IX d’ Asturies, parez convencíu de la victoria de Sierra nes prósimes elleiciones municipales
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
