"Esta ye la candidatura que va recuperar el gobiernu municipal pa la izquierda en Castrillón". Asina definía Jesús Iglesias, candidatu d'IX-BA-Verdes a la presidencia del gobiernu asturianu, la llista encabezada por Ángela Ballina en Castrillón, la candidatura de la honradez nun conceyu gobernáu por alcuerdos que responden a "intereses mui particulares". El Coordinador Xeneral d'IX d'Asturies y candidatu d'IX-BA-Verdes a la presidencia de gobiernu garantizó que col gobiernu de la coalición nel conceyu volverán a primar los intereses xenerales de los ciudadanos.
La candidatura d'Izquierda Xunida de Samartín del Rei Aurelio, encabezada por Julio Antuña, va trabayar con un oxetivu únicu: consiguir un conceyu modernu, dinámicu y caltenible, qu'atienda d'igual mou a la fastera rural qu'a les poblaciones de mayor tamañu. Asina lo espresó'l candidatu a l'alcaldía de Sanmartín del Rei Aurelio en presencia de Jesús Iglesias, Coordinador Xeneral d'IX d'Asturies y candidatu a la presidencia del gobiernu asturianu d'IX-BA-Verdes, y Manuel Benayas, miembru del Bloque por Asturies y segundu na llista llocal.
Jesús Iglesias considera que los riesgos llaborales son ún de los problemes más importantes que padecen los trabayadores asturianos
Algamar más emplegu estable y con derechos ye un de los obxetivos d'Izquierda Xunía d'Asturies. Ye cierto que los datos económicos confirmen una meyoría na rexón, pero les cifres de desemplegu siguen siendo verdaderamente dramátiques pa x óvenes y muyeres.
Jesús Iglesias, Coordinador Xeneral d’IX d’Asturies y candidatu a la presidencia del Principáu d’IX-BA-Verdes y Noemí Martín, númberu trés de la circunscripción central, caltuvieron un alcuentru cola direutiva del sindicatu USO pa conocer de primer mano les sos inquietúes. Lo mesmo Francisco Baragaño, Secretariu Xeneral de la Unión Sindical Obrera como Jesús Iglesias manifestaron el so esmolecimientu pola fin de la construcción de les grandes infraestructures y poles consecuencies derivaes de la so conclusión si nun s’afalen proyeutos d’activación económica nos próximo años. El descensu de la inversión y la perda d’emplegos puen ser una realidá, desgraciadamente, si nun s’apuesta por un modelu económicu que prime’l sector industrial y l’emplegu de calidá.
Paloma Uría, diputada del Grupu Parlamentariu d’IX-BA na Xunta Xeneral del Principáu y númberu dos a l’alcaldía d’Uviéu, tuvo un alcuentru con representantes de la Plataforma pa la Defensa de les Enseñances Artístiques. Nesti conceyu, na sede d’IX d’Asturies, los voceros d’esta plataforma, qu’axunta a alredor de 400 enseñantes, esplicaron les sos inquietúes y reivindicaciones con respeutu a la música y la educación plástica y visual.
Jesús Iglesias, candidatu d’IX-BA-Verdes a la presidencia del Principáu y Coordinador Xeneral d’IX d’Asturies, tuvo un alcuentru cola presidenta de la Coordinadora d’ONGD del Principáu d’Asturies, Ana Suárez, nel qu’analizaron les propuestes de cooperación al desenrrollu de la plataforma, pa la so incorporación al programa eleutoral de la coalición.
Pa Izquierda Xunida / Bloque por Asturies / Los Verdes: La llexislatura que termina ye hestórica no social. Púnxose en marcha’l Sistema Públicu de Servicios Sociales, reconocencia de drechos sociales de les persones y de les garantíes públiques pal so cumplimientu, que se materializa na aprobación socesiva d’un marcu llexislativu nuevu coherente con esos oxetivos.
Jesús Iglesias, candidatu d'IX-BA-Verdes a la presidencia del Principáu y Coordinador Xeneral d'IX d'Asturies tuvo esta mañana un alcuentru con José María González, candidatu d'IX-Los Verdes a la presidencia de Castiella y Lleón y Coordinador d'IX Castiella y Lleón, nel que tamién tuvo presente'l Coordinador Federal d'IX, Caspar Llamazares. Nesti conceyu, coincidió cola celebración del Día de Castiella y Lleón en Villalar de los Comuneros, dambos candidatos punxieron de manifiestu los problemes qu'afeuten a les dos comunidaes y que reclamen una solución urxente. Jesús Iglesias y José María González demandaron el cumplimientu de los plazos nes infraestructures que tán desenrrollándose en Castiella y Lleón y Asturies. La construcción de la llínia d'alta velocidá que xune Madrid con Asturies padez nos tramos castellano-lleones, al igual que n'Asturies, retrasos"inaceptables" que repercuten direutamente na llegada de l'alta velocidá a la nuesa comunidá autónoma.
Jesús Iglesias, candidatu a la presidencia del Principáu d’Asturies d’IX-BA-Verdes aseguró, respeuto a la propuesta incluyida nel programa eleutoral del PSOE que propoón que nel añu 2010 un 15% de la población asturiana tenga un emplegu a tiempu parcial, que toos estos proyeutos ellaboraos pa les eleiciones seyan analizaos dientro del marcu del nuevu programa de concertación social, que tendría de firmase pa la próxima llexislatura. Jesús Iglesias alvierte que ye necesario tener mui en cuenta que ye na contratación temporal y a tiempu parcial onde más se produz el fraude.
NUN HAI ACTOS PREVISTOS
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies
